Ish-ministri i Drejtësisë, Ylli Manjani ka reaguar pas deklaratës së djeshme të kryeministrit Edi Rama, i cili e cilësoi raportin e DASH si “copy and paste, i raportit të vitit të kaluar”.

Në një postim në rrjetet sociale, Manjani ironizon Ramën, ndërsa shkruan se “Po mo “copy and paste” është ky raporti vjetor i DASH.  Edhe këtë vit si vitet e mëparshme njësoj “Të Korruptuar” dalim.

Ka të drejtë Rama.

Na pëlqen ose jo, kjo është e vërteta.”

Më tej, ai thekson se “Amerikanët e DASH të tjera gjëra shkruajnë e të tjera gjëra thonë me zë.  Dmth janë DASH kur shkruajnë e DELE kur flasin. Çdo vit njësoj.

Totalisht jo seriozë.

E kemi të jetuar këtë deledash (Rama e quan copy&paste) realitet çdo vit.

Personalisht nuk kam asnjë entuziazëm as kur shkruajnë e as kur flasin deleshashët.

It doesn’t really mean anything.

Kështu që kushdo që përdor raportimet deledash të Amerikës për të bërë opozitë e ka kot”.