Ish-kryeministri Sali Berisha foli sot për Kongresin e socialistëve që u mbajt fundjavën e kaluar. Në konferencën që zhvilloi për mediat, ai tha se Kongresi i PS-së nuk u fokusua në çështjet që iu interesojnë qytetarëve.

Duke u ndalur te legalizimi i kanabisit, Berisha u shpreh se Këshillimi Kombëtar ishte një mashtrim, ndërsa shtoi se kryeministri Edi Rama po ndjek praktikën e shkatërrimit kombëtar. Sipas tij, po tentohet që afera e inceneratorëve të mbulohet me retorikë.

“E vërteta është që Kongresi i tyre në vend të lajmeve të rëndësishme për lehtësimin e dhimbjeve të përditshme të qytetarëve, informoi ata se narkoshteti ka vendosur të ligjërojë produktet e krimit.

Ka vendosë të ligjërojë kanabisin bazuar në anketën e mashtrimit kombëtar. Praktikë e shkatërrimit kombëtar. Gjithçka në Kuvend u bë që të mbulojë me retorikë, dëngje kashte, etj, aferën e inceneratorëve”, deklaroi ish-kryeministri.