Lidhu me ne

Kioske

Kush janë ata që pyesin Berishën ‘hë, e mund dot Ramën?!”

Ata që e bëjnë prej muajsh dhe tani këtë pyetje, duket se nuk janë më shumë se dëshmitarë të dëshirës që ai të mos e mundë kurrë.

Kush janë ata që pyesin Berishën ‘hë, e mund dot

Alfred Lela

Sali Berisha, dhe ata që ndajnë me të idenë se opozita duhet bërë më e fortë, janë vazhdimisht nën trusninë që del nga një aks dysh: e mund dot “Amerikën” dhe, e mund dot Edi Ramën?!

Ky editorial do të rreket të trajtojë këtë të dytën, për t’u ndalur në një sprovë të mëvonëshme te e para. Të mundësh Ramën është, sigurisht, kërkesë dhe ekzigjencë e fashave elektorale ku përfshihet edhe Berisha me Partinë Demokratike, por ku nuk janë të vetmit.

Ka shumë grupe shoqërore që e shohin si të pashëndetshme për Shqipërinë zgjatjen e së majtës në kanapenë e mandateve të pushtetit.

Ka kritikë të Ramës dhe të Berishës që bëjnë pjesë këtu, por pjesa më e madhe, duhet thënë, vjen nga e majta apo që ka lidhje, në një mënyrë a tjetër, me pushtetin.

Fut këtu edhe anti-berishistët klasikë, ndaj të cilëve Doktori mund të reagonte me thënien e Xhulio Andreotit ‘më fajësojnë për çdo gjë që nga Luftërat Punike’.

Në këtë rrafsh, pyetja ngulmuese “e mund dot Ramën?’ është e pandershme, si intelektualisht, ashtu dhe logjikisht.

Intelektualisht sepse, ata që e bëjnë janë, që prej shtatorit, në një luftë të hapur politike dhe ligjërimore me Sali Berishën.

Të njëjtët na thonin me thonjtë në fyt të fjalëve se Berisha nuk ka shans të fitojë; askush në Shqipëri (as botë) që del kundra “Amerikës| nuk mund të validohet elektoralisht; po fitoi Berisha më 6 mars do të bëj këtë e atë, e të tjera, e të tjera.

Ç’ka ndodhi është se Berisha fitoi duke i mundur, si ata që e kundërshtonin politikisht brenda partise, ashtu edhe atë pjesë të komentariatit që vinte baste për 6 marsin, ku fitonte skuadra e shtëpisë së blinduar dhe jo underdog-u i Shtëpisë së Lirisë.

Por nuk është te pozicionimi ku gjendet pandershmëria intelektuale. Sekush ka të drejtë të mbajë anë dhe të argumentojë se pse është kundër këtij apo atij.

Shmangia fillon kur ata e heqin veten nga beteja dhe bëjnë sikur nuk kishin gisht e as punë në të. Duke mos dashur të pranojnë se Berisha i mundi, kjo pjesë e politikës apo komentariatit politik, shpikin shpejt e shpejt një kundërshtar në formën e Goliatit, që është Edi Rama. Hë, David e mund dot Goliatin? pyesin ata si një tufë hirëzinjsh.

Harrojnë të thonë se, edhe besimi që kishin te Goliati tjetër “ambasadorja Kim” u ra po më 6 mars. Dalldia e tyre kur ambasadorja bëri statusin e famshëm me thirrjen që të votonin për kandidatët e Bashës, nuk u dëgjua në publik.  

Ata që ndërtuan konstruktin humbës të Berishës më 6 mars, harrojnë logjikën e më kryesores. Deri në atë datë ish-kryeministri ishte i zënë në luftën me ta. Në të cilën provoi me aksion politik se e ka ai shumicën e mbështetjes në PD. Tani në rrugën e liderit të demokratëve qëndron beteja tjetër, që është vënia e rregullit në shtëpi, rindërtimi i konstruktit të lidershipit të ri të PD, që nga degët e rretheve e deri te organet qendrore.

Hapi i tretë, nuk ka si të jetë tjetër veç hapjes dhe shtrirjes në shoqëri. Berishës i duhet që, literalisht, t’a hapë Partinë Demokratike, edhe fizikisht, duke e futur atë në qytet dhe qytetin në të.

Sali Berisha ka lënë një parti të demoralizuar nga humbja dhe të konsumuar nga pushteti në 2013. Para pak javësh mori një parti të rënë dhe komatoze.

Do të vijë edhe koha e vërtetë e debatit ‘a e mund dot Ramën?’. Ata që e bëjnë prej muajsh dhe tani këtë pyetje, duket se nuk janë më shumë se dëshmitarë të dëshirës që ai të mos e mundë kurrë.

Me teper

Kryesore11 orë më herët

Berisha nga Shkodra: Nëse duam të fitojmë zgjedhjet, përparësi do kenë të rinjtë dhe gratë

Ish-kryeministri Sali Berisha ka deklaruar se përsa kohë do të jetë në politikë, do të zhvillojë “Foltore”, si e vetmja...

Aktualitet11 orë më herët

Veliaj ” masakron” tironsit/ Gjobiten 1 mijë qytetarë brenda ditës në Tiranë

Në tre mujorin e parë të këtij viti, Policia Bashkiake në Tiranë ka gjobitur në total 92000 automjete. Këto shifra...

Radar12 orë më herët

Agron Kapllanaj i pallateve të 5 Majit: Falanderoj SHBA që na dha mundësinë të njihnim Berishën

Agron Kapllanaj, i cili u komandua nga Lulzim Basha si kreu i degës së PD në Fier, dhe që u...

Radar12 orë më herët

Berisha fushatë në Shkodër: Diamant i fitores së 6 marsit, nuk u pajtua me një Shqipëri pa opozitë

Pas Lezhës, ish-kryeministri Sali Berisha u ndal në Shkodër për të zhvilluar fushatën për kryetar të Partisë Demokratike në procesin...

Stil14 orë më herët

Kuriozitete / 10 purot më të mira në botë

Cigar Aficionado ka renditur 25 purot më të mira të vitit 2020. Pasi i shijuan pa ua ditur markën, rreth...

Stil14 orë më herët

Sa orë gjumë duhet të flemë? Pse gjithçka varet nga mosha

A e gjeni ndonjëherë veten duke dremitur në tryezën tuaj të punës, edhe pas asaj që mendonim se ishte një...

Gatime14 orë më herët

Si të bëjmë bukë shtëpie ? Receta e bukës nga e cila mund të hani sa të doni

Dhe aspak nuk na çudit që kjo bukë nuk përmban fare drithëra.Steven Gundry, nga Nebraska, autor i librit “Paradoksi i...

Stil14 orë më herët

Si ta kuptoni që keni të bëni me një sociopat? 5 shenjat që nuk duhet t’i injoroni kurrë

Nëse keni takuar një sociopat në jetën tuaj, si në të tashmen, apo edhe të kaluarën, ka shumë gjasa që...

Gatime14 orë më herët

Çfarë të gatuaj sot? Ju tregojmë recetën e japrakëve, recetë e veçantë dhe tradicionale…

Japrakët ose dollmat me gjethe rrushi është një nga recetat me të veçanta të kuzhinës ballkanase. Shija e saj karakteristike...

Kryesore14 orë më herët

Berisha nga Lezha: Censura, kërcënimet dhe propaganda nuk e ndalon dot opozitën e vërtetë

Ish-kryeministri Sali Berisha vijon me fushatën zgjedhore në javën e zgjedhjeve për kreun e ri të PD që do të...

Facebook