Lidhu me ne

Stil

Lindja e parakohshme, çfarë duhet të dini rreth saj

Lindja e parakohshme, cfare duhet te dini rreth saj

Cfarë nënkuptojmë me lindje të parakohshme?


Lindje e parakohshme apo ndryshe lindja para kohe do të quhet ajo lindje që ndodh midis javës së 20-të dhe 37-të së shtatzanisë, duke marrë parasysh që shumica e shtatzanive zgjat rreth 40 javë. Një lindje që do të konsiderohet në term është ajo që ndodh midis javës së 37-të dhe 42-të të shtatzanisë.
Sa më herët të lindë fëmija aq më shumë komplikacione do të shfaqë dhe anasjelltas. Ndoshta keni dëgjuar raste të fëmijëve që edhe pse kanë lindur në një fazë të hershme të shtatzanisë, me kalimin e kohës kanë gëzuar shëndet të plotë. Por, duhet të dini se jo gjithmonë është kështu dhe se një fëmijë i lindur parakohe është mjaft i rrezikuar për ta pasur probleme cerebrale, probleme në frymëmarrje, në tretje, si edhe fatkeqësisht ata janë mjaft të rrezikuar për të ndërruar jetë gjatë ditëve të para pas lindjes. gjithashtu këta fëmijë mund të shfaqin edhe probleme me kalimin e kohës si për shembull prapambjetje në zhvillim.


Cfarë e shkakton lindjen e parakohshme?
Nuk mund të përcaktojmë një shkaktar të vetëm. Për disa gra shkaktar mund të jetë stresi, për disa të tjera infeksionet ose probleme të tjera shëndetësore, në disa raste konsumimi i duhanit apo drogës.


Cilat janë subjektet më të rrezikuara nga lindja para kohe?
Lindja e parakohshme mund të ndodhë në cdo shtatzani, por ekzistojnë disa kategori të grave, të cilat rezultojnë të jenë më të rrezikuara.


3 kategoritë më të rrezikuara do të jenë:
– Gratë që kanë pasur më parë një lindje të tillë;
– Gratë që janë duke pritur dy ose më shumë fëmijë;
– Gratë që kanë probleme në uterus ose qafën e uterusit.


Gjithashtu studiuesit kanë dalë në përfundimin se ekzistojnë edhe disa grupe grash të cilat janë mjaft të rrezikuara:
– Gratë afro-amerikane;
– Gratë me moshë më të vogël se 17 vjeç dhe më të lartë se 35 vjeç;
– Gratë që kanë të ardhura të pakta familjare.
1- Stili i jetesës dhe faktorët ambientalë
Gjithashtu faktorë rreziku për lindje të parakohshme do të jenë edhe:
– Mungesa ose vonesa e marrjes së kujdesit mjekësor;
– Duhani;
– Alkooli;
– Droga;
– Puna me orar të zgjatur;
– Ekspozimi ndaj substancave të rrezikshme;
– Abuzimi fizik, seksual dhe psikologjik;
– Mungesa e suportit social;
– Stresi.


2- Faktorët mjekësorë të rrezikut
– Infeksione të aparatit urinar, infeksione vaginale, infeksione seksualisht të transmetueshme dhe çdo lloj tjetër infeksioni;
– Diabeti;
– Hipertensioni dhe pre-eklampsia;
– Shqetësime në koagulim (trombofilia);
– Gjakderdhja vagiale;
– Keqformimet e fetusit;
– Shtatzani e kryer nga fertilizimi in vitro;
– Mbipesha apo obeziteti para shtatzanisë;
– Fillimi i një shtatzanie me shumë pak diferencë nga paraardhësja.


Cilat janë simptomat?
Një lindje e parakohshme mund të shfaqë simptomat:
– Kontraksione çdo 10 minuta dhe me frekuencë të lartë;
– Rrjedhje të pazakonta vaginale (gjak ose rrjedhje të lëngshme);
– Presion në zonën pelvike;
– Dhimbje në fundshpinë;
– Krampe të njëjta me ato të dhimbjeve menstruale;
– Krampe abdominale me ose pa diarre.
Edhe nëse dikush ju thotë se këto simptoma janë normale, ju duhet t’i drejtoheni mjekut. Shenjat mund të shfaqen jo të gjitha bashkë.


Cfarë duhet të bëjmë?
Telefononi menjëherë mjekun në rast se ju shfaqen një apo disa nga simptomat e sipërpërmendura.


Ai mund t’ju këshillojë:
– Të shkoni për një vizitë mjekësore në klinikën e tij apo në spitalin ku ai punon;
– Të ndërprisni menjëherë atë çfarë jeni duke bërë dhe të shtriheni në shtrat në krahun e majtë, për një orë;
– Të pini 2-3 gota me ujë ose lëng frutash jo industrial. Në asnjë mënyrë nuk duhet Të pini kafe ose pije me gaz;
– Nëse simptomat përkeqësohen ose vazhdojnë të jenë po njësoj, duhet të shkoni në spital;
– Nëse simptomat zhduken duhet të qëndroni shtrirë për gjithë ditën;
– Nëse simptomat zhuken për momentin dhe riktehhen sërish duhet të telefononi mjekun ose të shkoni në spital.


Si ta parandalojmë?


Ju mund ta parandaloni lindjen e parakohshme duke ndjekur disa këshilla:
– Duhet të keni kontakt të vazhdueshëm me mjekun që nga momenti kur mendoni të ngjizni një fëmijë dhe deri në lindjen e tij;
– Nëse dyshoni se keni simptomat e një lindje të parakohshme duhet të shkoni menjëherë në spital,në mënyrë që të merrni kujdesin e duhur për ju dhe fëmijën tuaj;
– Terapia me Progresteron mund të rezultojë shumë efektive për të parandaluar një gjë të tillë, sidomos tek gratë që e kanë kaluar më parë një eksperiencë të tillë.

Vazhdo leximin

MË TEPËR

Radar3 orë më herët

Po Jorida Tabaku çfarë mendimi ka për nënë Haxhiren?

Disa të dhëna me evidenca kriminale për inceneratorët, të dala në dritë 24 orët e fundit, përveçse shërbejnë si një...

Stil3 orë më herët

FOTOT/ 23 vjet martesë, Victoria e David Beckham nga Parisi në Venecia me tren

Victoria e David Beckham janë fotografuar duke zbritur nga treni ekspres, pas udhëtimit nga Parisi teksa i drejtoheshin qytetit tjetër,...

Stil3 orë më herët

Thonjtë e Hailey Bieber bëhen viralë në TikTok dhe kthehen në trendin e verës 2022

Thonjtë “glazed donut” janë zyrtarisht manikyri më trendy i verës 2022. Kur Hailey Bieber tregoi manikyrin e saj të shkëlqyeshëm...

Stil3 orë më herët

Pse disa gra lindin vetëm djem ose vetëm vajza?

1. Është e pamundur të kesh një gjen “vajzë” ose “djalë” të pazbuluar. Ndërsa shumica e familjeve kanë një raport...

Stil3 orë më herët

Si ndikon depresioni në organet e trupit tonë?

1. Rënia e funksionit të veshkave Depresioni prek si njerëzit që kanë sëmundje kronike të veshkave ashtu edhe ata që...

Stil3 orë më herët

A është e vërtetë që çiftet e lumtura shëndoshen?

Gjithë faji i dashurisë. Këtu është ajo që thotë një studim mbi ushqimin çorientues në çifte Po, çiftet e lumtura...

Stil3 orë më herët

Pse duhet konsumuar vezë çdo mëngjes?

Konsumi i vezëve është shumë i dobishëm për shëndetin e  përgjithshëm. Përmban të gjitha lëndët ushqyese thelbësore që kërkohen nga trupi....

Stil4 orë më herët

Pini shumë kafe për t’u dobësuar?

Kafeja është shumë e rëndësishme për organizmin tonë dhe ka shumë benefite për trupin deri në një masë të caktuar....

Stil4 orë më herët

11 shtetet me gratë me gjoksin më të madh. Kush e kryeson listën

Foto ilustruese Madhësia e gjoksit është unike për çdo grua apo vajzë dhe ky fenomen ndikohet nga shumë faktorë siç...

Stil4 orë më herët

“Fitoj 50 herë më shumë jashtë fushe”, volejbollistja profesioniste Key Alves: Pozoj për ‘OnlyFans’

Key Alves, volejbollistja profesioniste, me 2.3 milionë ndjekës në Instagram, ka rrëfyer se fiton më shumë para duke pozuar në...

Facebook