Ushqimi që hamë ndikon shumë në strukturën dhe përbërjen e mikrobeve të zorrës sonë. Dëshmia e parë për këtë u mor nga kampionët e mikrobiotës fekale të llojeve të ndryshme gjitarësh.

ÇFARË ËSHTË MIKROBIOTA E ZORRËVE?

Mikrobiota e zorrëve është bashkësia e mikrobeve që jetojnë në traktin gastrointestinal. Përbëhet nga rreth 1 mijë specie të ndryshme që kanë 3.3 milionë gjene mikrobike unike në traktin gastrointestinal të qënies njerëzore.

Ky ekosistem kompleks përfshin baktere, viruse, kërpudha e parazitë që jetojnë në një marrëdhënie simbiotike me mysafirët e tyre. Bashkëekzistojnë edhe mikroorganizma të tjerë që kanë karateristika potencialisht patogjene.

Janë studiuar mekanizma të ndryshme të përfshira në mirëmbajtjen ose ndryshimin e këtij ekosistemit. Mes të cilave:

Gjenetike
Kontakt i drejt për drejtë me florën vaginale të nënës gjatë lindjes,
Ushqyerja me gji
Konsum i tepërt antibiotikësh
Ushqimi.

Për shembull, fëmijët e lindur me lindje natyrale marrin nga flora vaginale e nënës e përbërë nga bakteroidë, bifidobaktere, laktobacillus dhe esherishia koli. Nga ana tjetër fëmijët të lindur me ndërhyrje cezariane kanë një nivel më të lartë të baktereve të lëkurës si Staphylococcus spp.

ÇFARË DO TË THOTË KJO PËR SHËNDETIN TONË?

Pas lindjes, mikrobiota është e nevojshme për futjen e mekanizmave të nevojshme të rregullimit për trë ruajtur mukozën dhe mbrojtjet imunitare. Një ekosistem i përshtatshëm do të japë një përgjigje optimale në prani të agjentëve patogjenë. Në rast të kundër, një ndryshim i ekuilibrit ekologjik, e njohur si dysbioza e zorrëve, do të rrisë gjendjen inflamatore dhe ndjeshmërinë ndaj infeksioneve.
Kjo shkakton obezitet, diabet të tipit 2, patologji të zemrës, sëmundje neurodegjenerative dhe kancer. Për këtë arsye është shumë e rëndësishme të kujdeseni për mikrobiotën tuaj.

SI NDIKON USHQIMI NË MIKROBIOTË

Ushqimi është një ndër faktorët më të rëndësishëm për mikrobiotën tonë. Aktualisht është duke u bgërë një studim mbi regjimet ushqimore për mikrobiotën e zorrëve.

Bëhet fjalë për një regjim ushqyes që të jetë:
I pasur me fibra, fruta e perime që sjell përfitime për përbërjen e mikrobiotës
Rritja e proteinave dhe yndyrnave shtazore bashkë me mungesën e fibrave ushqyese rrit praninë e mikroorganizmave rezistentë dhe kriprave biliare.

Janë ndryshuar stile të ndryshme ushqimi mes popullsisë që mund të shpjegojnë ndryshueshmërinë në taksonominë e ekosistemit mikrobiotik të zorrëve. Për shembull, mikrobiota e fëmijëve afrikanë ka një nivel të më lartë të specieve Prevotella dhe një prani më të vogël të specieve të bakteroidit, pra shumëllojshmëri më të madhe mirkobiotike dhe një prodhim më të madh të acideve yndyrore me zinxhirë të shkurtër krahasuar me mikrobiotën e fëmijëve evropianë.

Ky ndryshim ndodh pikërisht nga mënyra e ushqyerjes. Dieta e fëmijëve afrikanë ka bazë produkte bujqësore të pasura me drithëra integrale, fibra e proteina bimore, çka sjell më shumë përfitime për mikrobiotën krahasuar me regjimin ushqimor të fëmijëve perëndimorë. Këta të fundit ndjekin një ushqyrje të pasur me proteina, yndyra shtazore, sheqerna, drithëra të rafinuara dhe të varfra me fibra.

REGJIMI USHQIMOR MESDHETAR

Një nga regjimet ushqimore që janë shpesh objekt studimi është regjimi mesdhetar. Studime të ndryshme tregojnë se ndihmon në parandalimin e sëmundjeve kardiovaskulare, falë përmbajtjes së tyre me acide yndyrore t ngopura e të pangopura, fibra dhe antioksidantë. Për sa i përket mikrobiotës dimë që ndihmon në mbajtjen shëndetshëm të ekosistemit të zorrëve.

Një studim i bërë për dy vite në disa pacientë të prekur nga sindroma metabolike tregon se ata që iu përmbajtën regjimit ushqimor mesdhetar krahasuar me atë me përmbajtje të ulët yndyrnash dhe të pasur me karbohidrate, tregoi se ajo mesdhetare favorizon ripërtëritjen e baktereve të dobishme. Për me tepër regjimi ushqimor mesdhetare përmirëson dhe insulino-rezistencën tek pacientët obezë.

Një nga parametrat që konsiderohet ndër më përfituesit në regjimin ushqimor mesdhetar është përmbajtja e lartë e polifenoleve. E dimë që këto molekula janë në gjendje të përthithen në nivelin intestinal dhe kur arrijnë në zorrën e trashë metabolizohen nga mikrobiota intestinale, duke prodhuar acide të ndryshme fenolike.

REGJIMI I DUHUR USHQIMOR PËR MIKROBIOTËN

Sipas studimeve të bëra mund të themi se duhet ndjekur një regjim ushqimor që ka këto karakteristika:

E pasur me poilifenol dhe fibra që janë tek perimet, frutat dhe bishtajoret
Sa më pak produkte me origjinë shtazore (peshk, mish, vezë, produkte qumështi)
Eliminioni ushqimet e rafinuara dhe produktet industriale.

Duke ndjekur një regjim të tillë, trupi arrin të mbajë të paprekur një varietet të caktuar mikrobik, duke shmangur disa sëmundje.