Berisha nga Shkodra: Nëse duam të fitojmë zgjedhjet, përparësi do kenë të rinjtë dhe gratë

Ish-kryeministri Sali Berisha ka deklaruar se përsa kohë do të jetë në politikë, do të zhvillojë “Foltore”, si e vetmja mënyrë për të komunikuar me demokratët.

Nga një takim elektoral në Shkodër, Berisha tha se nëse PD do që të fitojë zgjedhjet, përparësi do kenë të rinjtë dhe gratë.

“Së pari, nuk e kam sekret. E kam kënaqësi ta deklaroj këtu në Shkodër se forma kryesore e komunikimit tim do jetë Foltorja, sa të jem në politike.

Nuk largohem prej saj sa të rrij në politik.

Do takoj qytetarët, do shkëmbej mendimet, dhe kjo mbetet forma e vetme e komunikimit tim.

Për promovimin e të rinjve, kjo lëvizje, ne jemi një parti dhe më shumë se kaq. Si lëvizje arritëm të kalojmë çdo lloj pengese.

Me ne do bashkohen vazhdimisht rreth nesh.

PD do realizojë qëllimin vetëm kur të arrijë të marrë fytyrën e rinisë shqiptare, e të rinjve shqiptarë.

Për herë të parë, PD ka në forumin politik të saj, 51% të rinj dhe gra.

Kjo është një arritje e mirë.

Tani miq dua t’u them këtu. Nëse duam të fitojmë zgjedhjet, do u japim përparësi të plotë të rinjve dhe grave.

Kjo është e domosdoshme.

Ndaj dhe në këtë kontekst, do bëjmë gjithçka për promovimin e të rinjve. Duhet të jenë energjia e lëvizjes sonë, duhet të jenë frymëzim për ne të tjerët” – tha Berisha.