Ata janë një nga çiftet më të dashur dhe më jetëgjatë të shoWbizit.

Megjithatë duket se marrëdhënia mes tyre është krisur teksa lajmet e fundit tregojnë se lidhja 12-vjeçare midis yllit të muzikës Shakira dhe kampionit të Barcelonës Gerard Pique ka marrë fund.

Sipas burimeve spanjolle, futbollisti 35-vjeçar ka lënë shtëpinë ku banonte me këngëtaren kolumbiane edhe dy fëmijët, për t’u transferuar në një apartament në qendrën e Barcelonës. Arsyeja e këtij vendimi sipas mediave është një tradhti e zbuluar nga Shakira, që si protagoniste mund të ketë një vajzë 20-vjeçare ende misterioze.

Shakira dhe Gerard Pique u njohën gjatë fazës finale të Botërorit në Afrikën e Jugut, aty ku Shakira këndoi edhe këngën zyrtare të kompeticionit, “Waka Waka” dhe deri tani kanë qenë të pandarë.