Mos u shqetësoni për kilet e tepërta/ Këto janë ushqimet që duhet të konsumoni në këtë sezon veror

Mos u shqetësoni për kilet e tepërta/ Këto janë ushqimet që duhet të konsumoni në këtë sezon veror

Muajt e verës që i prisnim me kaq shumë mall më në fund erdhën. Por jeni të shqetësuar për kilet e tepërta që mund të merrni? Ja disa këshilla, se çfarë mund të konsumoni në këtë sezon.

Siç e dimë për të qëndruar në formë këshillohet që të qëndrojmë larg ëmbëlsirave.

Fruta të freskëta

Kur bëhet fjalë për ushqime të shëndetshme, një nga gjërat e para që ju vjen në mendje janë, sigurisht, frutat e freskëta. Frutat e konsumuara në stinën e tyre janë shumë më të shijshme dhe përmbajnë vitamina si dhe  minerale për të cilat trupi juaj ka nevojë.

Çokollate e zezë

15 gram çokollatë e zezë përmban vetëm dy gramë sheqer. Megjithatë, ajo ka një shije intensive dhe të pasur. Provoni të konsumoni një copë duke e shkrirë në gojë në vend që ta hani direkt.

Drithërat

Fillimisht duhet të siguroheni që drithërat që do të përdorni të mos përmbajnë sasi të larta sheqeri. Ju mund të zgjidhni misër natyral që nuk përmban sheqer të rafinuar. Sigurisht, gjithashtu duhet të përdorimi qumësht me pak yndyrë!

Lëngje të freskëta me frutat

Në një blendër vendosim qumështin pa yndyrë, fruta të grira dhe kosin. Nëse dëshironi, mund të shtoni edhe një lugë çaji mjaltë për ta ëmbëlsuar. Kaloni të gjithë përbërësit në blender dhe shijojeni.

Hurma

Hurmat, të cilat përmbajnë shumë sheqer natyral, janë gjithashtu ideale për t’u përdorur në përgatitjen e ëmbëlsirave. Këto fruta, me shije si karamel, janë gjithashtu të pasura me fibra dhe vitaminë B6. Është mirë të mos e teproni sepse ka një përmbajtje të lartë sheqeri!

Tërshërë

Tërshërën e gatuani me pak qumësht të skremuar. Më pas shtoni ëmbëlsues si mjaltë, shurup panje, kanellë. Nëse dëshironi, mund të dekoroni me fruta të freskëta dhe arra.