Analisti Fatos Lubonja e konsideron vendimin e Britanisë së Madhe për të mos lejuar kryedemokratin Sali Berisha në territorin britanik, lobim ndërkombëtar dhe ndërhyrje nga ana e Edi Ramës.

Në një lidhje për studion e News 24, Lubonja u shpreh se Rama atë që nuk e arrin dot me drejtësi e bën me lobim, Analisti theksoi se Britania ka pasur marrëdhënie shumë të mirë me Berishën në kohën e skandalit të Fazllic, dhe nëse është puna te aferat korruptive, ka të tjera skandale teksa iu referua inceneratorëve, Butrintit apo evazionit fiskal.

“Atë që the më parë, e kundërshtove. Teza ime është Rama ka punuar me mënyrë më finoke që meqë nuk ka bërë dot atë drejtësinë që duam ne, nëpërmjet instrumenteve …në kohën kur ka qenë skandali i Fazllic, Britania ka pasur marrëdhënie shumë të mira me Berishën. Këto dy akuza ne duhet ti analizojmë. Në Elbasan doli një person që ishte akuzuar për krime në Britani, u gjetën ato materialet. Këto ambasada dhe shërbime që kanë dhënë informacion për Berishën, kanë qenë tërësisht indiferente dhe na luftojnë krimet e 10 viteve më herët. Kjo e dëmton demokracinë. Unë që jetoj në Shqipëri dhe e njoh më mirë se ambasadori britanik, e di se kjo nuk është çështje e personit Berisha, por kemi një system të ngritur. E di që këtu kemi të bëjmë me një akuzë politike të ngritur nga Rama i cili meqenëse nuk e bën dot me gjykatës, e bën me ndërhyrje dhe lobingje ndërkombëtare. Nëse do besoj se ata e kanë seriozisht luftën ndaj krimit në Shqipëri, kanë pasur aq shumë materiale në këto 10 viteve që kanë dalë, saqë nuk ka nevojë fare as për hetime. Shikoni historinë e inceneratorëve, evazionit fiskal, Butrintin, përditë ka gjëra. Këta heshtin për të gjitha këto gjera”, tha Lubonja.