Ish-kryeministri Sali Berisha e ka quajtur rreshtim në krahun e Vuçiçit heshtjen dhe më pas deklaratat e Kryeministrit Rama lidhur me tensionet në veri të Kosovës.

Berisha shkruan se Rama kur ranë sirenat e luftës në veri të Kosovës heshti ndërsa pas 24 orësh kur kishin reaguar BE-ja, SHBA-ja e NATO, doli hapur në mbrojtje të Putinit dhe Vuçiçit.

Postimi i plotë:

Edi Rama me heshtjen dhe deklaratat e tij rreshtohet me Putinin dhe serbomadhin Vuçiç!

Te dashur miq, situata konfliktuale ne Veri te Kosovës e krijuar nga Putini i Vogël i Beogradit, Aleksandër Vuçiç, i cili kërcënoi me përgjigje vdeksore dhe konflikt qeverinë e Kosovës dhe NATO-n, ne rast se do te zbatoheshin marrëveshjet e reciprocitetit per targat dhe letërnjoftimet serbe ne Kosove. Pas këtyre deklaratave, dje pasdite dhe ne darke ne Veriun e Kosovës banda serbesh u ranë sirenave te luftës, bllokuan rrugët me barrikada dhe shkrehen breshëri armesh mbi Policinë e Kosovës.

Kjo gjendje konflikutaliteti u përball me një reagim te fuqishëm ndërkombëtar, ne rradhe te pare te NATO-s, e cila ka ne mbrojtje direkte Kosovën dhe, nëpërmjet KFOR-it deklaroi se ishte e gatshme te ndërhynte ne rast se rrezikohej stabiliteti i Kosovës.

Po kështu reagoi Bashkimi Evropian dhe Komisioni Europian me përfaqësuesin e larte te Politikes se Jashtme dhe Sigurisë, Jozef Borrel, i cili kerkoi heqjen e menjëhershme te barrikadave te vendosura ne rruget e komunave te Kosovës se Veriut dhe vendkalimet kufitare nga bandat e Vuçiç. Gjithashtu reagoi Ambasada e SHBA-se ne Prishtine, e cila e vlerësoi te ligjshme vendimet e qeverise se Kosoves per reciprocitetin per leternjoftimet dhe targat e leshuara ne Serbi por kerkoi shtyrjen me nje muaj te zbatimit te tyre, kerkese te cilen qeveria e Kosoves e pranoi.

Reaguan te gjitha forcat politike shqiptare kudo qe jane ne mbeshtetje te Qeverise se Kosoves.

Ashtu siç pritej, ne anen e Serbise dhe Vuçiçit u rreshtua menjehere Putini dhe qeveria e tij, i cili ben gjithçka per nxitjen e konfliktit ne rajon.

Por ndaj ketyre kercenimeve luftenxitese te serbomadhit Vuçiç, ne nje akt te turpshem vasaliteti te plote ndaj padronit, heshti per 24 ore si fija e barit, Edi Rama.

Kurse pas 24 oreve, ai doli hapur ne mbrojtje te Putinit te Madh dhe Putinit te Vogel duke e paraqitur ceshtjen jo te nxitur nga Moska dhe Beogradi por refuzim te marreveshjes nga serbet lokal per arsye te tyre.

Keshtu, Rama sot ne konference shtypi deklaroi: ‘’Unë i bëj thirrje autoriteteve në Beograd, Presidentit të Serbisë që të mos ushqejnë më asnjë lloj justifikimi apo alibie për grupe të caktuara në Veriun e Kosovës që për arsyet e tyre i kundërvihen zbatimit të një marrëveshje që jo vetëm duhet zbatuar por është e vlefshme për t’u zbatuar për t’i dhënë më shumë besueshmëri dialogut”.

Me një deklarate te tille Edi Rama, duke vlerësuar se gjendja nuk erdhi pas deklaratave te Kremlinit per destabilizimin e Ballkanit dhe ultimatumeve te padronit te tij Vuçiç për përgjigje vdeksore ndaj Kosovës dhe kërcënimit për konflikt ndaj perëndimit në rast se qeveria e Kosovës do te zbatonte marrëveshjen për reciprocitet, ai i del haptas ne mbrojtje politikes luftenxitese te Putinit dhe Vuçiçit.

Me kete deklarate ky tradhetar inkurajon konfliktin ne Kosove dhe, njelloj siç justifikon refuzimin nga padroni i tij Vuçiç per zbatimin e sanksioneve te BE ndaj Rusise, ai i thote komunitetit nderkombetar se nuk eshte Putini dhe Vuçiçi qe nxisin konfliktin por jane disa fshatare te pagdhendur serb qe nuk duan Albin Kurtin dhe nuk zbatojnë vendimet e qeverise se tij.

Po kështu, me këtë deklarate, ky puthador i shpifur i Beogradit i thotë Aleancës se Atlantikut te Veriut se u nxitua me deklaratën e KFOR-it për gatishmërinë për te vendosur stabilitetin ne Kosove, se atë nuk po e kërcënonte Beogradi i nxitur nga Moska por disa fshatare nacionalist serb qe nuk duan marrëveshjen dhe vendimet e qeverise se Albin Kurtit.

Me ketë rast, duke mbështetur plotësisht qeverinë e Kosovës, qëndrimin e NATO-s, BE dhe SHBA dënoj me forcën me te madhe provokacionet e ulëta te serbomadhit Vuçiç dhe qëndrimet e deklaratat e argatit te tij, tradhtarit te kombit shqiptar Edi Rama.