Ajo që po ndodh në Kosovë duhet të shqetësojë të gjithë prijësit e urtësisë.

Nga Gaz Aga

Ajo që po ndodh në Kosovë duhet të shqetësojë të gjithë prijësit e urtësisë.

Një polarizim i tejskajshëm në një vend të vogël me të ardhme të brishte është i rrezikshëm për Kosovën.

Nga leximi i historisë së afërt të vendeve të ngjashme vërejmë se ekstremizmi prodhon ekstremizëm. Ekstremizmi prodhon edhe heronj të rremë të cilët bëhen flamurtarë të kauzave përcarëse.

Vëren analistë që e nisin bisedën me zellin e burrave për të ‘ çliruar’ vajzat myslimane medemek nga mbulesa e sforcuar dhe e mbarojnë duke anatemuar myslimanët në tërësi.

As ‘intelektualët’ e tehuajëzuar të cilët e lexojnë shoqërinë nga kullat e fildishta, as prijesit fetare që anatemojnë cdokënd që s’mendon si ata, nuk i shërbejnë shërimit të plagëve të një shoqërie.

Kosova ka liderë, mësues, intelektualë dhe lidera fetarë të cilët duhet t’i paraprijnë diskursit konstruktiv për çeshtje të tilla delikate.

Unë e dua Kosovën. Kam jetuar dy vite të mrekullueshme atje, dhe më dhemb kur shikoj heshtat e urrejtjes mes vëllezërve e motrave. Kemi nevojë për shërim shpirtëror dhe intelektual. Le të harxhojmë më shumë energji mbi sistemin arsimor në tërësi.

Lë të shtojmë cilësinë e mësimdhënies, infrastrukturën e shkencës dhe aksesin e barabartë për t’u arsimuar. Le të lutemi për Kosovën dhe Shqipërinë që të shtohen burrat e gratë mendjeçelë, të ndershëm dhe krahëhapur ndaj së ndryshmes. Le të ruajmë traditat dhe të importojmë zhvillimin, demokracinë, disiplinen dhe punën nga vendet e zhvilluara dhe jo diskurset boshe të tyre.