Një deklaratë në Twitter ka trazuar gjithë botën e futbollit . Elon Musk, njeriu më i pasur në botë, ka shkruar në faqen e tij zyrtare në Twitter se dëshiron të blejë Manchester United. Kaq mjaftoi që tifozët e “Djajve të Kuq” të ëndërronin se kjo ishte një deklaratë serioze nga 51-vjeçari e aq më tepër pas startit negativ që skuadra ka bërë.

“Do të blej Manchester United dhe jeni të mirëpritur”, shkroi Elon Musk në rrjetet sociale, duke e bërë botën e futbollit të çmendet për disa orë. Megjithatë nuk kaloi shumë dhe miliarderi bëri një tjetër postim duke theksuar se e gjithë kjo ishte një shaka nuk ka asnjë negociatë mes tij dhe klubit anglez.

Aktualisht Manchester United kontrollohet nga familja amerikane Glazer, e cila e bleu atë në vitin 2005. The Daily Mirror raportoi vitin e kaluar se Glazers ishin të përgatitur për të shitur klubin, por vetëm nëse atyre u ofroheshin më shumë se 4 miliardë euro. Për këtë arsye qindra mijëra tifozë I kanë shkruar miliarderit Musk që ta merrte ai në pronësi klubin ndërsa ky i fundit e ktheu të gjithën në një shaka.

Prej kohësh, tifozët e United po kërkojnë shitjen zyrtare të klubit kjo edhe për shkak se sezonet e fundit ka qenë jashtë do pritshmërie ndërsa këtë vit, ekipi regjistroi dy humbje në dy javët e para të Premier League.