Amber Heard në një film porno? Nuk mund të përjashtohet. Një agjenci modelimi për të rritur, Zen Models, në fakt i ka ofruar aktores së “Aquaman” një kontratë prej 9 milionë dollarë për të luajtur në një film me “pullë të kuqe”. Pas vendimit të gjyqtarëve në mosmarrëveshjen ligjore me Johnny Depp, i cili e dënoi atë me pak më shumë se 10 milionë dollarë, për yllin do të ishte një mënyrë për të zgjidhur problemet e saj financiare dhe falimentimin që duket se po përballet.

“Amber nuk ka para për të paguar dëmshpërblimin e madh për të cilin e kanë dënuar juristët e Fairfax-it” ka thënë gjithmonë avokatja e aktores, Elaine Bredehoft e cila pas vendimit të gjyqtarëve ka bërë edhe një ankesë në emër të klientes së saj.

Në ndihmë të saj, tani që Hollyëood duket se ka frikë ta punësojë, do të vinin Zen Models, e cila do të ishte e gatshme të shlyente borxhet e Amber ndaj Johnny Depp si dhe një donacion prej 1 milion dollarë për Spitalin e Fëmijëve të Los Anxhelosit, me qëllim për ta pasur atë si yll të një filmi porno.

Kjo është raportuar nga faqja australiane Poptopic.

“Zen Models është një agjenci modelimi për të rritur dhe kompani prodhimi. Ne kemi qenë në kontakt me një grup kompanish të prodhimit të filmave për të rritur të interesuara për t’i ofruar zonjës Heard një kontratë për të luajtur në një produksion video argëtimi për të rritur”, ky është teksti i letrës siç raportohet nga faqja australiane.

“Filmi do të rriste dhe nxirrte në pah feminilitetin dhe seksualitetin e Amberit,” shpjegon Zen Models.

Amber nuk ka thënë asgjë për vendimin e saj për momentin, por ka nga ata që shpresojnë ta shohin së shpejti të shndërrohet nga heroina e “Aquaman” në një vajzë të një filmi porno.