Drama shqiptare në La Manshe, vepër e Edi Ramës! Vesh petkun e patriotit dhe shan si ordiner

Berisha: Drama shqiptare në La Manshe, vepër e Edi Ramës! Vesh petkun e patriotit dhe shan si ordiner

Kryedemokrati Sali Berisha denoncoi qëndrimet e Edi Ramës ndaj problemeve të mëdha dhe dramës shqiptare siç e quajti ai, që luhet në kanalin e La Manshit.

Autor kryesor i kësaj drame është Edi Rama, arkitekt kryesor është Edi Rama, janë lidhjet e tij të tmerrshme me korrupsionin.

Janë vjedhjet e tij në afera qindra e qindra milionëshe, janë rrëmbimi i votës çka i bën këta qytetarë shqiptarë të pashpresë në vendin e tyre.

Janë lidhjet e forta me krimin dhe drogën të Edi Ramës, Olsi Ramës dhe qeveritarëve të tjerë të vendit.

Në një konferencë për mediat ditën e sotme, Berisha deklaroi se Edi Rama këto ditë është angazhuar në një betejë politike të brendshme në politikën e Britanisë së Madhe.

Sipas tij, i këshilluar nga këshilltarë që duan ta shndërrojnë çështjen e shqiptarëve një luftë të brendshme për pikë politike, Edi Rama kalon nga një konferencë në tjetrën, duke përdorur gjuhën e një njeriu ordiner, që tregon se nuk ka minimumin e edukatës familjare apo njerëzore, gjuhë që bazohet në urrejtje dhe që për interesa të tij është i gatshëm të përdorë çdo fjalë dhe të mbajë çdo qëndrim.Kjo që po ndodh me shqiptarët në Britaninë e Madhe është kryekëput vepër e Edi Ramës.

Kjo ikje masive e shqiptarëve diktohet nga kjo qeveri që nuk ka ligj dhe as moral dhe vret shpresën e shqiptarëve çdo ditë.

Vesh petkun e patriotit dhe shan si ordiner në rrugë. Rama duhet ta dijë mirë se eksporti i krimit është një nga aktet më të rënda që një vend mund të bëjë ndaj fqinjëve të tij dhe vendeve të tjera.

Dënoj me forcën më të madhe këto qëndrime të cilat qëndrojnë në themel të dramës shqiptare që luhen në La Manshe.

Kriminel dhe kryekriminela është qeveria e Edi Ramës, është vetë Edi Rama, ministrat dhe zyrtarët e tij, që arritën deri në atë pikë sa zhdukën çdo kontroll në kufijtë e vendit.

Në fjalën e tij Berisha përshëndeti edhe Sindikatën e Pedagogëve të vendit, për betejën e tyre, vendosmërinë, mbrojtjen që kjo sindikatë u bëri dhe u bën interesave jetike të pedagogëve, punonjësve dhe studentëve të universiteteve tona, por edhe interesave jetike të shoqërisë shqiptare dhe kombit shqiptar.Kjo sindikatë, në interesin më të mirë të kësaj beteje, ka vendosur të ndërpresë thirrjet për bojkot, por të vazhdojë luftën dhe betejën.

E garantoj se në çdo hap të saj, ajo dhe cilado organizatë apo individ që mbron një kauzë të drejtë, do ketë mbështetjen totale të PD-së.

Me këtë rast, theksoj se nuk mund të pajtohem kurrë që një pedagog në Universitetin e Tiranës të marrë gjysmën e rrogës që merr një pedagog në universitetin e Prishtinës, dhe kjo vetëm për faktin se qeveria e Kosovës nuk vjedh fondet siç vjedh Edi Rama.