Edi Rama ka mbajtur një fjalim, që e kishte paralajmëruar prej ditësh, për mënyrën se si do ti jepet porti i Durrësit biznesmenit arab Muhamed Alabar, por ai ka zgjedhur të perirazojë, Mit’hat Frashërin, Nolin dhe Konicën, pa dhënë pothuajse asnjë shifër për projektin. Rama ka zgjedhur nga literatura e fillim shekullit të 20 një lumë sharjesh e ofendimesh për ti’a mveshur ato kundërshtarëve të tij të sotëm me pretendimin se ata janë cmirëzinj që nuk duan zhvillimin e Shqipërisë.

Por në fjalimin e tij të gjatë ku përmendi se si një bataljon me nënpunës shqiptarë kanë shkuar e i janë lufut deri dhe princit të kurorës për të bërë të munduar këtë ëndër, ai nuk dha asnjë shpjegim për një pyetje elementare: Pse kjo pasuri kombëtare do jepet pa garë. Le ta zëmë për një moment se porti i vjetër “i shkartërruar”, duhet lëvizur që aty, le ta imagjinojmë edhe se pikërisht në të njëjtin vend zgjidhja më e mirë është një marinë jahtesh dhe një zonë rezidenciale, po pse nuk u dashkërka për ato 800 mijë metra katrorë truall të bëhej një garë ndërkombëtare e cila ndoshta mund të na sillte edhe një investim më të madh sesa ato 160 milionë euro që premton fillimisht Alabaar.

Pikërisht këtë shqetësim ka ngritur një ditë më parë edhe Bashkimi Europian që si për çudi e gjeti të bëjë deklarata një ditë përpara diskutimit për portin e Durrësit në Parlament. “Si rezultat i ndryshimit të projektit BE anullon fondin prej 28 milionë eurosh të dhënë për Shqipërinë për këtë port”, tha dje një zëdhënës i Brukselit zyrtar duke shtuar se BE do të vazhdojë të shqyrtojë përputhjen e Marëveshjes së Asocim Stabilizimit me këtë projekt të dhënë duke përjashtuar konkurencën.

Rama përpos sharjeve të opozitës me citimet e Nolit, Konicës e Mit’hat Frashërit, tha se do pastrohet deti, do përfitohen 700 metra plazh, do ngrihet ndoshta marina më e madhe e jahteve në mesdhe (shifrat nuk përputhen), por nuk dha dot përgjigje se përse fillimisht u tha se këtu do vinte kompania Emaar (poshte statuset e vetë Ramës) që u propogandua në fillim si mrekullia që ka ndërtuar Dubain dhe Bujgh Kalifën, por pastaj Muhamet Alabar mbërriti si person privat dhe sipas letrave të vetë qeverisë do të investojë vetëm 80 milionë euro + 80 milionë të tjera kredi.

Rama e ngriti vetë pyetjen në fjalimin në parlament: Pse nuk po vjen Emaari? Por kur tentoi të përgjigjej ai u mjaftua me justifikimin qesharak se Albaar ia vendos vetë si dëshëron emrat kompanive të tij dhe ai markën “Eagle Hills”  e ka përdorur edhe në vende të tjera duke e quajtur psh “Eagle Hills Serbia”. Rama haroi të përmende edhe Zagrebin pas gafës që bëri disa ditë më parë kur tentoi ti hidhte sy opinionit duke pretenduar me një mesazh se ai po ndërtonte Manhatanin e Zagrebit.

Në fund, si argumentin më të madh se pse ky projekt duhej miratuar kryeministri tha: “ne, pozitë dhe opozitë, duhet të kishim dalë ta prisnim me lule Alabaarin”.