Johnny Depp është kthyer për pak kohë në rolin e kapitenit “Jack Sparrow”, një ndër rolet e tij më të famshëm.

Depp u shfaq me rrobat e rolit ikonik të “Piratëve të Karaibeve” për një video-mesazh drejtuar një superfansi 11-vjeçar të quajtur Kori. Në një postim të shpërndarë në mediat sociale, Kori—që i është nënshtruar dy transplanteve në zemër—shkroi se Depp e bëri videon pasi kishte dëgjuar për kanalin e tij të YouTube dedikuar piratëve të hapur së fundmi.

“Kapiten Kori, më vjen tmerrësisht keq që e humba këtë. Doja ta thosha, harrova ta them, nuk e thashë, do ta them tani. Do ta them…do ta them…” –tallet Depp, i veshur si Jack Sparrow në klipin dy minutësh. “Dëgjoj të flasin për diçka të quajtur kanal YouTube, të cilin nuk e kuptoj, por pse jo?”

Depp premton se do shoh videot e Korit, duke i uruar Korit më të mirën në përpjekjen e tij të re. “Unë jam fansi yt nr. 1, kapiten Kori”- mbyll ai mesazhin. Që nga publikimi i videomesazhit të Depp, Kori ka grumbulluar mijëra ndjekës të rinj.

Depp luajti Jack Sparrow në të pestë filmat e “Piratëve të Karaibeve”, ku më i fundit ishte filmi i vitit 2017, “Dead Men Tell No Tales”. Gjatë gjyqit të tij për shpifje kundër ish-gruas Amber Heard në fillim të këtij viti, ylli i Hollywood tha se ai nuk kishte asnjë interes të kthehej në filmat e tjerë.

Megjithatë, producenti Jerry Bruckheimer la të kuptohet së fundmi se dera mund të jetë ende e hapur për kthimin e Jack Sparrow. “Ne jemi ende duke punuar për të,” tha ai për “Associated Press”. “Asgjë nuk është ende përfundimtare, por ne vazhdojmë të bëjmë hapa të vegjël për të arritur drejt një skenari.”