Pamela Anderson më në fund po tregon historinë e saj përmes librit, ‘Love,Pamela’. Në një intervistë për ‘People’, ajo u shpreh se ishin dy djemtë e saj Brandon dhe Dylan ata që “më inkurajuan të tregoja historinë time”.

“Jam vërtet krenare për këtë. Nuk kam pasur bashkëpunëtor. Nuk kam pasur asnjë shkrimtar fantazmë, asgjë. Është vetëm historia se si ia dola: një vajzë nga qyteti i vogël që shkon në Los Anxhelos dhe thjesht ka kaluar nëpër të gjitha aventurat e egra dhe të çmendura dhe më pas u kthye dhe shkoi në shtëpi,” shpjegon Pamela.

Procesi i reflektimit, thotë ajo, zbuloi emocione të thella. “Nuk e kisha idenë se sa zemërim kisha brenda. Apo sa terapeutik do të ishte jo vetëm për mua, por edhe për njerëzit përreth meje, si nëna ime”,shtoi aktorja. “Ka qenë një proces shërimi. Jam shumë e lumtur ta ndaj dhe shpresoj se njerëzit do të frymëzohen.”

“Djemtë e mi ishin të emocionuar që unë të shkruaja librin tim, por ata të dy thanë: “Mami, do të të duhet ndihmë për të shkruar këtë libër”. Dhe unë thashë: ‘Jo, mund ta shkruaj vetë këtë libër’. Ata ishin të shokuar që e bëra këtë”, u shpreh Anderson. “Unë thjesht doja që të kishte një rekord të vërtetë, autentik  të jetës sime. Me të vërtetë u ndjeva sikur ishte shumë, shumë e rëndësishme për mua që t’i shkruaja të gjitha, nga fillimi në fund.