Kur u pyet nga Men’s Health për të ndarë këshillën e tij ‘më të rëndësishme’, të rinisë së përjetshme 53-vjeçari Paul Rudd tha se ‘tetë orë gjumë’ është në krye të listës.

‘Pastaj dieta. Peshat. Pastaj kardio”, këto renditi ylli i Clueless.

“Njerëzit më pyesin: A mund të më dërgoni planin tuaj të vakteve? Sa herë në javë stërviteni? A pin? A hani karbohidrate?”, tha Rudd.

Edhe pse ai është i përkushtuar ndaj kardios së përditshme dhe një minimum prej tre ditësh ngritje peshash, Rudd beson se ‘pjesa më e rëndësishme e stërvitjes është gjumi.

“Njerëzit do të vendosin alarmin e tyre dhe më pas do të flenë për katër orë dhe do të ngrihen që të mund të stërviten. Ata po i bëjnë vetes një shërbim të keq”, tha ai.

Rudd tregoi se e nis ditën me një kafe dhe pastaj direkt palestër.

Dieta e Rudd është e thjeshtë dhe e qëndrueshme. Ai tha për Men’s Health se ha vezë çdo ditë, përfshin salmon në shumicën e vakteve dhe i pëlqen proteinat e tij me një përzierje të pluhurit proteinik dhe ujit.