Anxhela Peristeri ka mbështetur këngëtarin Luiz Ejlli, për lojën e tij brenda shtëpisë në Big Brother Vip.

Këngëtarja thotë se është e hapur për ndonjë bashkëpunim me Luizin.

Por ajo ka edhe një kritikë, jo për Luizin, por se njerëzit e tjerë, posaçërisht artistët.

Ajo thotë se tani që këngëtari është në BBV u kujtuan ta mbështesin këngëtarin.

“Dueti me Luizin është bërë ëndërr e shumë artistëve shqiptarë.

Unë jam e hapur për bashkëpunim me Luizin.

Luizi ka qenë këngëtar shumë i mirë.

Ajo që më vjen shumë inat është pse e vlerësojmë Luizin tani që është në Big Brother.

Dhe nuk e kanë vlerësuar atëherë kur ka qenë për t’u vlerësuar se ka qenë artist i arrirë dhe shumë i mirë.

Kur e shohin që dikush merr një famë shumë të madhe dalin e mbështesin në masë.

Më parë ata njerëz as nuk ishin kujtuar për të e nuk e kishin ndërmend të bënin duet me të. 

Janë kujtuar shumë vonë.”, tha këngëtarja.