Brooke Shields ka deklaruar se ajo kurrë nuk do t’i linte fëmijët e saj të merrnin pjesë në ndonjë gjë që lidhet me “pornografinë” të cilën ajo vetë e bëri si fëmijë me bekimin dhe pëlqimin e nënës së saj.

Aktorja ishte vetëm 11 vjeç u detyrua të puthte në mënyrë joshëse Keith Carradine-in e atëhershëm 27-vjeçar në filmin e vitit 1978 “Pretty Baby”, në të cilin Shields e mitur luante një prostitutë.

Shields, tani 57 vjeç, thotë se ajo ende lufton për të kuptuar se si nëna e saj, Terri Shields, nuk ndërhyri për të ndaluar atë që ndodhi në film. Aktorja zbuloi gjithashtu se vajzat e saj, 19-vjeçarja Rowan dhe 16-vjeçarja Grier, refuzojnë ta shohin filmin.

Në një fragment nga dokumentari i ardhshëm “Pretty Baby”, Rowan thotë: “Është pornografi për fëmijë! A do të na lejonit ta bëjmë këtë në moshën 11-vjeçare?’

Një Brooke Shields e prekur dukshëm përgjigjet: “Jo”. Duke kujtuar bisedën, ajo tha për revistën “The Sunday Times”: “Kjo ishte e vështirë për mua, duke u përpjekur t’i justifikoja nënën time, kur ata më pyetën, mendova: “O Zot, duhet ta pranoj këtë”. Por nuk e di pse mendoi se ishte në rregull”.

Nëna alkoolike dhe e pasigurt

Nëna e aktores ishte një alkoolike dhe vdiq në vitin 2012. Brooke Shields, e cila ishte një fëmijë i vetëm, tha se nuk mund të zemërohej me të, sepse nëna e saj ishte shumë e pasigurt.

Aktorja ka mbrojtur prej kohësh nënën e saj – e cila e lejoi Shields të pozonte nudo në Playboy vetëm në moshën 10-vjeçare – por tani Shields pranon: “Nuk e di pse mendoi se ishte në rregull. Nuk e di”.

Në dokumentarin, i cili do të shfaqet në SHBA muajin e ardhshëm, Shields kujton jetën e saj, duke përfshirë miqësinë e saj me Michael Jackson. Ajo mohon se ata ishin në lidhje dhe tregon tronditjen e saj kur mësoi për akuzat për sulm seksual me të cilat u përball më vonë.