Radar
“Rritët çmimin e ujit me 40%”/ Berisha: I dhatë goditjen fatale shtresës së mesme
Kreu i PD-së, Sali Berisha
Në kuvend po diskutohet për “Raporti i veprimtarisë së Entit Rregullator të Ujit (ERRU) për vitin 2022”.
Kreu i PD-së, Sali Berisha, nga foltorja është shprehur se çmimi i ujit është rritur me 40% ku mund të jepet falas për shkak të rezervave natyrore që ka Shqipëria.
Berisha thekson se kjo është një goditje për shtresën e mesme dhe sjell largimin e shqiptarëve nga vendi.“Ju e rritet ujin me 40% kur Shqipëria është një nga vendet më të pasura me ujë. Uji duhet të jepet falas, për shkak të rezervave natyrore që kemi. Çfarë ndodhi me rritjen e çmimeve. Ujësjellësi i Tiranës garanton humbje.
Po ashtu Ujësjellësi i Durrësit ka shënuar humbje me 71%. Krijimi i kushteve në konventën e OKB-së vlerësohet si akt genocidal. Keni përzënë këto vite 35% të shqiptarëve nga trojat e tyre. Tani u dhatë goditjen fatale shtresës së mesme, tani shkatërroni dhe këtë shtresë.
Këto shërbime që ju i merrni jashtë me çartera, harroni që shqiptarët kanë nevojë për to. Unë me zërin tim të protestës, dënoj miratimin e këtij ligji. Shtresa e mesme nuk ju përshtatet ju”, ka thënë Berisha.
