Mix
A është kjo dhoma e Elon Musk?
Elon Musk është një nga fytyrat e preferuara të përdoruesve kur vjen fjala te shakatë. Dhe, kur pronarit të Twitterit i pëlqejnë shakatë, ai nuk ngurron që t’u përgjigjet.
Këtë radhë, një faqe e njohur për meme në Twitter bëri një shaka që rezultoi gjysmë e vërtetë. Më konkretisht, “gaut” publikoi foton e një dhome gjumi të boshatisur, me një dyshek në dysheme, dhe pretendohej se ajo ishte dhoma ku flinte Elon Musk, edhe pse është një nga njerëzit më të pasur në botë.
Bashkë me foton, shkruhej: “Elon Musk ka një vlerë prej 188 miliardë dollarësh. Një prej njerëzve më të pasur në botë. Kjo është dhoma e tij.”
Elon Musk is worth $188B.
— gaut (@0xgaut) April 10, 2023
One of the richest people in the world.
This is his bedroom: pic.twitter.com/fdgqooYbKj
Pasi fotoja u bë popullore në internet, pronari i Twitter shkroi në një koment: “Nuk është tërësisht e pasaktë. Fjeta në divanin e një miku javën që shkoi.”
Not totally wrong. Slept on a friend’s couch last weekend.
— Elon Musk (@elonmusk) April 11, 2023
Shtëpia e vërtetë e Elon Musk
Në vitin 2022 ai njoftoi se do t’i shiste të gjitha shtëpitë e tij dhe se do të jetonte në shtëpitë e miqve. Edhe pse askush nuk e besoi, ai e bëri atë që tha.
Pas kësaj, Musk mori vendimin për të ndërtuar “barakën” e tij pranë selisë qendrore të SpaceX në fshatin Boca Chica, Teksas.
Pronari i ri i Twitter-it nuk jeton vetëm në Boca Chica, që është vetëm dy milje nga kufiri meksikan, pasi shtëpia ngjitur është e rezervuar për njerëzit e tij të sigurisë.
