Deklaratat e Escobar-it/ Redon Meksi: Ndërhyrje e drejtpërdrejtë te zgjedhjet shqiptare ndërkohë që Berisha as që kandidon!

Avokati Redon Meksi komentoi në MCN Live deklaratat e zyrtarit të lartë amerikan Gabriel Escobar pas takimeve në Tiranë.

Meksi thekson se Escobar po ndërhynë drejtpërdrejt në punët e brendshme dhe në zgjedhje, duke i thënë popullit shqiptar të mos votojë kandidatët e dalë nga Berisha.

Meksi thotë se nuk e kupton si mund të shprehet kështu një zyrtar amerikan, ndërkohë që vetë Berisha nuk kandidon në zgjedhje, dhe kandidatët janë pjesë e koalicionit ku bën pjesë PL.  Unë e kam parë si ajo shprehja: ‘Mos bëj çfarë bëj unë, por bëj çfarë them unë!’ Z.Escobar tha nuk kam ardhur për zgjedhjet, në fakt ka ardhur për zgjedhjet, sepse siç e pamë edhe para 6 marsit, ishte në atë kohë që erdhi, kështu ka ndodhur gjithmonë. E nis pjesën duke thënë që ‘non grata është e shkuara’. Unë s’e di që z.Berisha të jetë kandidat! Kandidon z.Berisha për ndonjë bashki?! Escobar ndërhyn drejtpërdrejtë tek zgjedhjet shqiptare, i thotë popullit shqiptar mos votoni kandidatët e dalë nga z.Berisha. Kur z.Berisha është tani sipas Escobar-it një anëtar i thjeshtë i PD, dhe kandidatët janë të PD, në rastin konkret me siglën e PL. Ky thotë mos i votoni. Pse?! Si mund të vijë një zyrtar amerikan dhe të ndërhyjë te punët e brendshme, te zgjedhjet. Sidomos kur nuk kandidon z.Berisha dhe janë zgjedhje lokale.

Po ta bëjmë ne këtë ndërhyrje në Amerikë, na marrin prej leckash dhe na hedhin….Z. Escobar tha ne jemi partner të barabartë, marrim mendimin tuaj për çështje të mëdha! Më vjen keq që ndodhin këto gjëra. Yuri Kim foli para dy javësh për çështjen e zjarrit, non gratës. Nuk ka çfarë i duhet fare SHBA-ve, ose më mirë administratës, se këto s’janë SHBA-të. Administratës Biden, të ndërhyjë se kë zgjedh shqiptari. Është e turpshme që ne e lëmë të na ndodhë, dhe i japim zë kësaj gjëje. Nga ana tjetër foli për çështjen ‘McGonigal’, tha që s’mund të flasim për një çështje në gjykim, por pamë zyrtarët e SHBA që në 3 mars shkuan në gjykatë, kemi parë Yuri Kim-in të flasë për çështje gjyqësore tamam, me emra. Duhet të kuptojmë që liderët shqiptarë s’duhet të jenë pro amerikane pro europianë, duhet të jenë por pro shqiptarë. Janë për të mbrojtur interesat e Shqipërisë dhe shqiptarëve. Marrëdhënien s’e kanë me Escobari-n dhe Biden-in, por me popullin shqiptar”.