Ndër të tjera regjisori pohoi se skenat e dashurisë i konsideron “problematike” dhe se ato nuk janë të nevojshme për llojin e filmave që ai dëshiron të bëjë.

Quentin Tarantino

Me një karrierë mbi 30 vjet, regjisori Quentin Tarantino ka treguar parsyen pse nuk dëshiron të vendosë skena seksi në filmat e tij. Në një intervistë për mediat e huaja Tarantino u shpreh se seksi nuk është pjesë e vizionit të tij për kinemanë.

Ndër të tjera regjisori pohoi se skenat e dashurisë i konsideron “problematike” dhe se ato nuk janë të nevojshme për llojin e filmave që ai dëshiron të bëjë. Gjithashtu Tarantino beson se nëse një skenë dashurie nuk është thelbësore për historinë, ajo nuk ka nevojë të përfshihet. 

“Është e vërtetë, seksi nuk është pjesë e vizionit tim për kinemanë. Nëse ndonjëherë do të kishte një skenë seksi që ishte thelbësore për historinë, do ta kisha bërë, por deri më tani nuk ka qenë. Kam pasur fatin të shkruaj histori që lidheshin me shumë njerëz dhe që më lejuan të praktikoja zanatin tim pa kufizimet që kanë shumica e të tjerëve në skenat e seksit”,- shtoi ai.

Deri tani Tarantino ka realizuar 9 filma të kufizuar, të cilët sipas kritikëve janë një dëshmi e filozofisë së tij se cilësia është më e rëndësishme se sasia kur bëhet fjalë për realizimin e filmit.