Mix
Kylie Jenner flet për vetëbesimin dhe idenë e gabuar që kanë njerëzit për të
ILYA LIPKIN
Kylie Jenner ishte ylli i radhës në kopertinën e “HommeGirls” dhe ajo foli për vetëbesimin dhe ndryshimet në fytyrën e saj. Ajo u shpreh se ekziston një ide e gabuar mbi nivelin e vetëbesimit që ka.
ILYA LIPKIN
“Mendoj se ekziston një ide e gabuar për mua: Që kam bërë shumë ndërhyrje estetike në fytyrë dhe që kam qenë një person i pasigurt, por në të vërtet, nuk kam qenë. Po, i adhuroja dhe i doja buzët e plota, por duke u rritur, kam qenë gjithnjë personi me më shumë vetëbesim. Isha vajza që performoja për të gjithë”, tha Kylie, referuar adoleshencës së saj.
Ylli 25-vjeçar shtoi:
“Kisha një pasiguri për buzët, ndaj bëra filler dhe është gjëja më e mirë që kam bërë. S’pendohem për të. Por gjithnjë kam menduar se isha e lezetshme”.
Më pas, Kylie theksoi se këtë vetëbesim do ta ketë edhe e bija e saj dhe e Travis Scott, Stormi. “Ajo është perfekte ashtu siç është”, theksoi Kylie dhe i dha vogëlushes 5-vjeçare mesazhin se gjithnjë duhet të ketë vetëbesim.
Krijuesja e “Kylie Cosmetics” nënvizoi se falë fëmijëve të saj, e do edhe më shumë veten. “Shoh tipare te vajza dhe djali im tani dhe vajza duket si unë. Shoh bukurinë time tek ajo dhe kjo më bëri që ta dua veten edhe më shumë. Bukuria, për mua është gjtihnjë në ndryshim”.
Pra, ndryshe nga ç’mendohet, Kylie është super e sigurt dhe me shumë gjasa, edhe Stormi do t’i ngjajë mamit, sepse siç ka thënë edhe vetë Kylie: “Stormii, you look like mommy baby”.
