Lidhu me ne

Kryesore

Revista franceze: Mafia Soros, miqësi, korrupsion dhe propagandë. Ç’tregon rasti shqiptar?

Revista franceze: Mafia Soros, miqësi, korrupsion dhe propagandë.

E përjavshmja franceze “Valeurs Actuelles” i ka kushtuar këtë të enjte një investigim të gjatë rolit dhe influencës që luan fondacioni Soros në Gjykatën Evropiane të të Drejtave të Njeriut dhe pranë Këshillt të Evropës në të cilin, “Shoqëria e Hapur” dhe Bill Gates janë financuesit më të mëdhenj.

Ky investigim ka zënë vend edhe në kopertinën e revistës ku godet titulli: “Mafia Soros, miqësi, korrupsion dhe propagandë”.

Në fakt interesant është se në këtë shumësi artikujsh një vend i veçantë i takon edhe Shqipërisë. Ndonëse Lapsi.al ka vendosur ta pasqyrojë,  duhet thënë që në fillim se “Valeurs Actuelles” është një media radikale me tendencë sovranisto-konservatore, shumë pranë partive të ekstremit të djathtë francez. Por gjithësesi kurioze është të shihet hapsira që i kushtohet brenda investigimit të saj rolit të Soros në Shqipëri dhe afërsisë së tij me regjimin e Ramës.

Rasti i Darian Pavli

Teza kryesore që tenton të përcillet është ajo se “Open Society” e Soros përmes lobingut, ka sponsorizuar ish punonjës të vet për tu shndërruar në gjykatës të të drejtave të njeriut në Strasburg. Madje sipas një raporti të hollësishëm të përpiluar nga Gregor Puppinck, drejtor i Qendrës Evropiane për Drejtësi dhe Ligj, këta gjyqtarë kanë gjykuar edhe çështje në konflikt interesi, pasi ato mbroheshin nga OJF-të ku ata kishin punuar më parë si rogtarë të fondacionit Soros. Për të ilustruar këtë shembull një artikull i kushtohet edhe gjykatësit të Shqipërisë pranë Gjykatës Evropiane të të Drejtave të Njeriut, Darian Pavli. Ai pretendon se ka qenë më parë avokat, por “CV” e tij shkakton debat, thotë revista, duke shtuar se nuk ka asnjë provë që Pavli, -i emëruar në Strasburg në vitin 2018 si propozim i qeverisë shqiptare- të ketë punuar ndonjëherë si avokat ashtu sikurse pretendon. E vetmja punë që i provohet është ajo pranë findacionit Soros në Nju Jork.

Rasti i Darian Pavlit (foto poshte), për të cilin dhoma shqiptare e avokatisë refuzoi të përgjigjej nëse ai ka qenë pjesë e saj, zë vend edhe në kapitullin: “Shokë dhe kushërinj”, ku përshkruhen lidhjet e atyre që emërohen si gjyqtarë në Strasburg.

“Avokat Pavli është kushëri i kryeministrit Rama, gjë që na bën të ngremë pyetjen se sa i drejtë mund të jetë ai si gjykatës në çështjet që duhet të shqyrtojë kundër qeverisë shqiptare”, shkruan e përjavshmja. Kështu për shembull- vazhdon ajo- Darian Pavli ka gjykuar në Strasburg çështje të cilat lidhen me reformën në drejtësi, një nga autorët e të cilës ai ka qenë vetë dhe e cila, sipas opozitës, ka forcuar pushtetin e kushëririt të tij.

“Shqipëria, mon amour”

Në kapitullin tjetër “Shqipëria, mon amour”, vendi ynë përshkruhet si një rast për tu mësuar në shkollë si ilustrim i ndikimit të Fondacionit Soros. “Ky është një nga vendet ku Open Society ka financuar më shumë (në raport me popullsinë). Arsyeja është e thjeshtë. Eshtë një vend i varfër, i pastabilizuar dhe i korruptuar, pra shumë i dobët përballë influencave. Qartësisht mund të kesh shumë influencë dhe të marrësh përfitimet e investimit shumë më shpejt sesa në Francë apo në Gjermani.

Në Shqipëri Soros ka mbështetur ish opozitën liberale (të përbërë nga shumë trashigimtarë të regjimit komunist), kundër presidentit të shkuar konservator. Fondacioni është sot shumë pranë kryeministrit Rama dhe ka mbështetur reformën në drejtësi që mund të dukej e nevojshme, pra lehtësisht e shitshme tek përendimorët, por që pati një efekt të dyfishtë: i lejoi pushtetit të spastronte sistemin, të hiqte qafe opozitarët dhe të përforconte kontrollin mbi drejtësinë”.

Përgjatë artikujve nuk lihet asnjë dyshim se Fondacioni Soros që ka financuar reformën në drejtësi e ka dorëzuar atë në duart e pushtetit. E këtu përpos rastit të Darian Pavlit, një ish punonjës i fondacionit, hartues i reformës shqiptare dhe tani i katapultuar në Strasburg, jepet edhe ai i zëvendësit të tij, Sokol Berberi, që ishte njëri nga tre emrat që qeveria shqipëtare i propozoi Gjykatës Evropiane e të Drejtave të Njeriut. “Ai është emëruar edhe pranë Komisionit prestigjoz të Venecias që mbikqyr kushtetutat e shteteve Evropiane. Edhe Berberi ka afërsi me qeverinë, ose me botën e errët lokale. Ai është kunat i ish ministrit Fatmir Xhafaj që nga ana e tij është vallai i një trafikanti ndërkombëtar droge, Agron Xhafaj”.

Sa duhet ti besojmë?

Natyrisht, të dhënat dhe faktet e paraqitura, ndonëse janë të besueshme për pjesën më të madhe të shqiptarëve duhen relativizuar kur vjen puna se ato janë raportuar në një media si “Valeurs Actuelles”, e cila e sheh Soroson nën dritën e të gjitha teorive konspirative kundër tij. Psh, Gjykata Evropiane e të Drejtave të Njeriut, ne të Lapsi.al, që po e botojmë këtë shkrim na dha të drejtë ndaj sekuestrimit të pushtetit të Edi Ramës, në çështjen e vjedhjes të të dhënave të qytetarëve shqiptarë për tu përdorur prej patronazhistëve të Rilindjes.

Kopertina te tjera qe Valeurs Actuelles i ka kushtuar George Soros

Prizmi i “Valeurs Actuelles” në denoncimin e Sorosit, nuk lidhet me ndikimin mbi çështje të përditshme, por me shtyrjen përpara të axhendave LGBT, mbrojtjes të Eutanazisë, apo betejave të tjera ideologjike që merr përsipër të çojë përpara Open Society, përmes gjykatësve të Strasburgut. Gjithësesi, sado me lupë të shikohet ky këndvështrim, kurioze është se Shqipëria paraqitet si një shtet i vogël, që Sorosi e përdor si laborator eksperimental për ideologjinë që kërkon të bëjë mbisunduese.

Marrë nga Lapsi.al

MË TEPËR

Mix9 orë më herët

Donald Trump e pranon: Kam dalë në publik me fjalim të përgatitur nga Inteligjenca Artificiale, ishte shumë i mirë

Donald Trump ka treguar se një fjalim që ka mbajtur gjatë kohës që ka qenë president, e ka riprodhuar nëpërmjet...

Mix10 orë më herët

Vila ku kanë jetuar Joe Biden, Barack Obama dhe Bill Clinton del në shitje, pamjet madhështore

Ka prona që mishërojnë histori, si për shembull vila në Georgetown, Washington, e ndërtuar rreth vitit 1891, ku kanë jetuar...

Mix10 orë më herët

Jessica Alba tregon sekretin për një martesë të lumtur

Pas 16 vjetësh martesë, Jessica Alba ka mësuar një ose dy gjëra si të mbajë gjallë marrëdhënien dhe harmoninë me...

Mix10 orë më herët

George dhe Amal Clooney po shkojnë drejt divorcit?

Martesa e George dhe Amal Clooney po merr fund? Burimet raportojnë se aktori 63-vjeçar dhe Amal Clooney janë nën presion...

Mix10 orë më herët

Nisur nga Pamela Anderson: Pse duhet t’i flasësh vetes para pasqyrës?

GETTY IMAGES Pamela Anderson ka publikuar librin e saj me kujtime “Love, Pamela” dhe dokumentarin në Netflix “Pamela, A Love...

Mix11 orë më herët

Fruti më i mirë që ju ndihmon të keni një bark të sheshtë!

Përpjekja për të humbur peshë mund të jetë një udhëtim i vështirë, veçanërisht nëse po përpiqeni të hiqni dorë nga...

Mix11 orë më herët

Ariana Grande “bën paqe” me Scooter Braun?

Ariana Grande do të vazhdojë të punojë me Scooter Braun dhe kompaninë e tij  Hybe – më pak se një...

Mix11 orë më herët

Bebe Rexha shpërthen kundër G-Eazy: “Dështak mosmirënjohës”

Bebe Rexha ka shpërthyer kundër ish-bashkëpunëtorit të saj në hitin “Me, Myself & I”, G-Eazy, duke e quajtur “dështak mosmirënjohës”....

Mix11 orë më herët

Nicole Kidman konfirmon vazhdimin e “Practical Magic”

Nicole Kidman konfirmoi zyrtarisht se ajo dhe Sandra Bullock po kthehen për një vazhdim të “Practical Magic”. Aktorja e “Big...

Mix11 orë më herët

Kate Middelton njofton daljen e parë publike pas diagnostifikimit me kancer: Po bëj përparim me kurimin e sëmundjes

Pas diagnostifikimit me kancer disa muaj me pare, Princesha e Uellsit, Kate Middelton, njoftoi sot se po “përparon” në rrugën...

Facebook