Cristiano Ronaldo dhe Georgina Rodriguez shprehin dashuri të pakushtëzuar për njëri-tjetrin në rrjetet sociale, por në fakt në shumë media botërore prej muajsh thuhet se lidhja e tyre është në krizë. Kështu, shenjat e një krize mes ish-lojtarit të Real Madridit dhe Georgina Rodriguez janë të qarta sipas programit televiziv portugez ‘Noite das Estrelas’, në kanalin CMTV. Në këtë program dhe në disa media të tjera portugeze, ata tregojnë se Cristiano është “lodhur” nga qëndrimi i nga Georgina Rodriguez, të cilin e cilësojnë si “larg realitetit, të detyruar dhe joserioz”.

“Sjellja e fundit e Ronaldos tregon dy gjëra: që jeta e tij personale nuk është në një moment lumturie dhe se sa më shumë distancohet nga nëna e tij, Dolores Aveiro, aq më pak i duruar është. Dhe të gjithë e dimë pse ai është gjithnjë e më i largët nga e ëma, familja”, tha psikologu Quintino për gjestin aspak të hijshëm që ylli i futbollit bëri në fushë pak ditë më parë, ku preku organet gjenitale si një përgjigje ndaj fansave të skuadrës kundërshtare.

Ndërkohë gazetari Daniel Nascimento gjatë programit spanjoll, shtoi: “Ronaldo nuk është i lumtur. Georgina i kalon ditët e saj në një qendër tregtare në Riad. Ajo thjesht shpenzon dhe shpenzon dhe shpenzon. Dhe më e keqja, ajo mendon se është në nivelin e Cristianos. Ajo e vendos veten në piedestal dhe atij nuk i pëlqen fare një gjë e tillë”.

 “E kam thënë prej muajsh. Ata nuk po shkojnë mirë dhe ka gjasa që të ndahen. Realiteti është se CR7 është lodhur me të. Ky është realiteti. Unë ende them që nuk do të ketë dasmë”, tha një nga drejtuesit e talk shoë’, Leo Caeiro.

Në program kishte edhe një zë që mbronte modelen, ishte Filipa Kastro, shoqja e Cristiano-s, “Mund të pohoj nga një burim 100 për qind i besueshëm se si gjithmonë po ecin shumë mirë. Kjo janë thjesht thashetheme të sajuara nga njerëz që nuk e durojnë Gio. Ata janë një çift që kanë dashuri”.