Ribashkimi i Jennifer Lopez dhe Ben Affleck pati bekimet e nënës së këngëtares teksa ajo zbuloi se ishte lutur fshehurazi që ata të riktheheshin bashkë për 20 vjet.

Kujtojmë se “Bennifer” u fejuan për herë të parë në vitin 2003 dhe u ndanë një vit më vonë.

Më pas ata elidhën jetën me partnerë të tjerë dhe patën fëmijë. Fati ose më mirë lutjet e nënës së Jlo-s i bashkoi sërish në vitin 2021. Çifti u martua në Las Vegas në vitin 2022.

Në episodin e së mërkurës në “Today Show”, Lopez iu bashkua nëna e saj, Guadalupe Rodriguez Lopez, e cila vodhi shfaqjen teksa fliste gjatë gjithë kohës.

Duke iu drejtuar vajzës së saj, zonja Rodriguez tha: “Gjithmonë e kam ditur që do të riktheheshit bashkë, sepse unë jam lutur për 20 vjet”.

Këngëtarja qeshi në siklet kur dëgjoi të ëmën dhe i kërkoi prezantueses të vazhdonte intervistën.

Lopez, e cila duket se po jeton përrallën me Affleck, zbuloi se albumi i saj i ri, “This Is Me”, i kushtohet historisë së saj të dashurisë me Affleck.

“Kam pasur një udhëtim të jashtëzakonshëm në jetën time gjatë 20 viteve të fundit dhe mendoj se jam rritur shumë,” i tha ajo prezantueses.

“Albumi kap këto momente në kohë. Të dashurohesh dhe të kesh atë moment, dhe më pas 20 vjet më vonë të përpiqesh të kapësh se cili ishte ai moment, i cili ishte shumë ndryshe.”