Më 23 maj 1934, dy nga kriminelët më të famshëm në histori – Bonnie Parker dhe Clyde Barrow – u vranë në një shkëmbim zjarri nga policia.

Sot, dyshja kriminale, njihen si legjenda, por ata jetuan jetë shumë reale dhe të mbushura me aksion, përpara vdekjes së tyre në Luiziana.

Bonnie dhe Clyde u dashuruan, pasi u takuan në moshat përkatëse 19 dhe 20 vjeç në vitin 1930 kur Depresioni i Madh pushtoi Shtetet e Bashkuara. Menjëherë pas takimit të tyre, Clyde u dërgua në burg, i dënuar për vjedhje automjeti – por dënimi nuk zgjati shumë pasi ai doli nga burgu duke përdorur një armë që Bonnie e kishte futur kontrabandë.

Në vitin 1932 Bonnie dhe Clyde u bënë kriminelë të ashpër, duke krijuar Bandën Barrow, ata filluan të grabisnin banka. Ata ishin vazhdimisht në arrati dhe nuk kishin frikë të qëllonin këdo që mund të ndërhynte në lirinë e tyre – thuhet se ata kanë vrarë të paktën nëntë oficerë policie dhe katër civilë.

Veprimet e tyre kriminale ishin të famshme në mbarë vendin dhe fama e tyre u rrit edhe më tej në vitin 1933 pas një shkëmbimi zjarri me policisë në vendin e tyre të fshehtë në Joplin, Misuri.

Policia lokale ishte informuar për hajdutë që jetonin në atë adresë. Pas përplasjes me policinë, Banda Barrow la dy oficerë të vdekur.

Banda iku nga skena, por la pas shumë nga pasuritë e tyre, duke përfshirë një arsenal të madh armësh, një poezi të shkruar me dorë nga Bonnie dhe një aparat fotografik.

Policia i printoi fotot dhe zbuloi imazhe të Bonnie, Clyde dhe anëtarëve të tjerë të bandës që drejtonin armët nga njëri-tjetri. Fotot u dërguan në media së bashku me poemën e Bonnie ‘Suicide Sal’ dhe Banda Barrow u bë lajmi i faqes së parë në të gjithë vendin.

Fama e tyre e re e bëri të thjeshtë kapjen, por aktivitetet kriminale të bandës vazhduan pavarësisht kësaj, zakonisht duke marrë formën e grabitjeve, rrëmbimeve dhe vrasjeve.

Shumë historianë thonë se Clyde e dinte që herët se e vetmja rrugëdalje për të ishte vdekja – dhe më 23 maj 1934, profecia e tij u realizua.

Së bashku me Bonnie, ai sulmoi një burg në Texas, si një përpjekje për të liruar anëtarët e burgosur të bandës.

Sulmi bëri që ata të gjurmoheshin lehtësisht. Dhe policia i zuri pritë çiftit në Luizianë në 1934. Dyshja vdiqën nga një breshëri prej 130 fishekësh që u qëlluan drejt tyre nga oficerët e zbatimit të ligjit. Bonnie ishte 23 vjeç dhe Clyde ishte 25.

Në vdekjen e tyre, ata u bënë më ikonikë se kurrë, me qindra vizitorë që lundronin nëpër shtëpitë e funeralit ku ata ishin të shtrirë. Mbi 20,000 njerëz morën pjesë në funeralin e Bonnie.

Pavarësisht se kanë vdekur për gati 90 vjet, Bonnie dhe Clyde mbeten famëkeq edhe sot e kësaj dite, trashëgimia e tyre u ndihmua jo pak nga filmi i vitit 1967 ‘Bonnie and Clyde’ me aktorë Faye Dunaëay dhe Ëarren Beatty, i cili romantizoi çiftin kriminal.