Radar
SPAK nuk sheh 7 kate pa leje 100m larg zyrës së Veliajt, në Durrës i dalloi !
Kandidati i koalicionit ‘Bashkë Fitojmë’, Belind Këlliçi ka reaguar lidhur me urdhër-arrestin e lëshuar nga SPAK për ish kryebashkiakun e Durrësit, Vangjush Dako.
Mësohet se SPAK ka firmosur 10 urdhërarreste në lidhje me një dosje që ka të bëjë me një leje ndërtimi për një pallat pa leje dhënë gati 11 – 12 vite më parë dhe që është dëmtuar nga tërmeti i 2019.
Në një postim në FB, Këlliçi shkruan me ironi se katet pa leje SPAK i shikon në Durrës, ndërsa 7 kate pa leje në zemër të Tiranës, në Sheshin Skënderbej, vetëm 100m larg nga zyra e Erion Veliajt, nuk i shikon.
“Çudi e madhe që SPAK i dalloi 4 kate pa leje në Durrës, por ende nuk ka parë 7 kate pa leje në zemër të Tiranës, në Sheshin Skënderbej, vetëm 100m larg nga zyra e Erion Veliajt.
SPAK njëlloj si Veliaj, nuk shihka nga afër.
Le të aplikojnë të njëjtin standard drejtësie edhe në Tiranë. Jo me dy porta”, shkruan Këlliçi.