Zayn Malik ka treguar së fundmi arsyen pse u largua nga grupi “One Direction” pesë vjet pas debutimit të tyre.

“Kishte shumë – shiko, nuk dua të hyj në shumë detaje, por kishte shumë politikë që po ndodhte,” tha ai gjatë episodit të podcast-it Call Her Daddy. “Disa njerëz po bënin gjëra të caktuara, disa njerëz nuk donin të nënshkruanin kontrata, kështu që unë e dija se diçka po ndodhte, kështu që unë thjesht eca përpara.”

Siç shpjegoi 30-vjeçari, ai ishte më se i gatshëm të merrte drejtimin e karrierës së tij. “Doja plotësisht me egoizëm të isha personi i parë që do të shkoja dhe do të bëja rekordin tim, nëse jam plotësisht i sinqertë me ty”, shtoi artisti.Dhe megjithëse ai zakonisht e përshkruante veten si “pasiv”, këngëtari i “Pillowtalk” tha se është e kundërta kur bëhet fjalë për muzikën e tij.

Malik u ndal gjithashtu dhe tek debati me mamanë e ish prtneres, Gigi Hadid. Sipas një raporti policor të marrë nga E! News atë vit, Zayn u akuzua se kishte vepruar me “qëllim për të ngacmuar, mërzitur ose alarmuar” Gigi (e cila nuk ishte e pranishme) dhe Yolanda, ndërsa dyshohet se e kishte kërcënuar”. Në atë kohë, Zayn mohoi akuzat dhe lëshoi një deklaratë, duke thënë pjesërisht se ai donte të mbronte vajzën e  tyre duke i dhënë asaj “privatësinë që meriton”.

Gati dy vite më vonë, këngëtari i qëndron deklaratës së tij. “E dija se çfarë ishte situata, e dija se çfarë ndodhi dhe njerëzit e përfshirë e dinin se çfarë ndodhi gjithashtu,” tregoi Zayn prezantueses së Call Her Daddy, Alex Cooper. “Dhe kjo është gjithçka për të cilën më interesonte vërtet.”