Ariana Grande dhe agjenti i pasurive të patundshme luksoze, Dalton Gomez u ndanë në fillim të këtij viti dhe e kaluan në heshtje.

TMZ ishte e para që raportoi lajmin.

Ariana Grande, e cila është në Londër për disa xhirime u shfaq pa unazë, duke konfirmuar në njëfarë mënyre lajmin.

Ish-ët u martuan në një ceremoni intime në shtëpinë e tyre në Montecito, Kaliforni, me më pak se 20 persona të pranishëm.

“Ata përshtaten shumë mirë së bashku”, tha një burim për PEOPLE pas dasmës së tyre, në atë kohë.

Ata u lidhën në janar të 2020-ës dhe shpallën fejesën e tyre 11 muaj më vonë. Ata e kanë mbajtur kryesisht lidhjen e tyre larg vëmendjes.