Lidhu me ne

Aktualitet

Plazhi i Manastirit, “pika e voçkël e Kumbaros” shndërrohet në masiv betoni e vilash

Plazhi i Manastirit, “pika e voçkël e Kumbaros”Ministrja e Kulturës, Mirela Kumbaro

Ministrja e Kulturës, Mirela Kumbaro, e quajti një “pikëz të vogël” atë pjesë që do të shkëputej nga Parku i Butrintit, për t’u kthyer në resort privat nëpërmjet një “investimi strategjik”.

Tashmë, Plazhi i Manastirit, pra ajo “pikëz e vogël” është shndërruar në një masiv vilash prej betoni, të cilat kanë bllokuar tërësisht aksesin e pushuesve në një prej gjireve më të bukura të Rivierës Shqiptare.Plazhi i Manastirit, “pika e voçkël e Kumbaros”Kantieri i vilave në Plazhin e Manastirit

Në këto momente, Plazhin e Manastirit, në periferinë perëndimore të Sarandës, mund ta shijosh vetëm duke kaluar në rrugë detare, pasi kantieri i ndërtimit e ka bllokuar tërësisht aksesin nga toka.

Pasi “investimi strategjik” të përfundojë, aksesi në atë plazh do të jetë vetëm i atyre fatlumëve, të cilët do të blejnë vila me një çmim më së paku 4 mijë euro metrin katrorë, siç u shprehën punonjësit e kantierit, në mungesë të dijenisë se po flisnin me gazetarë të “Boldnews.al”. Megjithatë, shifra nuk është e konfirmuar.Plazhi i Manastirit, “pika e voçkël e Kumbaros”Pamje e gjirit Plazhi i Manastirit

Askush tjetër nuk do të lejohet të shijojë brigjet që kanë qenë të hapura ndër shekuj për banorët e zonës, por edhe për turistët që u shtuan pas viteve ’90. Pjesë e parkut të Butrintit, ajo do të jetë një “zonë private”, pasi kështu vendosi ta shpallë Komiteti i Investimeve Strategjike (KIS), nën drejtimin e kryeministrit Edi Rama.

Shkatërrohet parku për beton

Në 2 Dhjetor 2021, komiteti KIS miratoi statusin e investitorit strategjik për projektin “Manastiri Resort”, me subjekt aplikues “Albstar” shpk, në pronësi të biznesmenit Sadik Ismailaj.

Subjekti aplikues propozon zhvillimin e një investimi i cili synon ndërtimin e një resorti, që do të ketë në përbërje hotel dhe struktura akomoduese me rreth 33 njësi të ndara me kapacitet total që variojnë nga 83-100 shtretër, restorant, bar, pishinë e jashtme etj.Plazhi i Manastirit, “pika e voçkël e Kumbaros”Vendimi i Komitetit të Investimeve Strategjike për “Manastiri Resort”

Projekti zë një sipërfaqe zhvillimi prej 53,467 m², pronë private, në Ksamil, Bashkia Sarandë.

Vlera e investimit të projektit të investimit “Manastir Resort – Resort Turistik 2, 3 dhe 4 kate me parkime nëntokë” parashikohet të jetë 28.000.000 (njëzet e tetë milion) Euro.

Vendimi për ndërtimin e Resortit në territorin e Parkut Kombëtar të Butrintit ishte i njëkohshëm me vendimin e qeverisë për të dorëzuar menaxhimin e tij në duart e një fondacioni privat, si edhe i parapriu një tjetër vendimi qeveritar që zvogëloi hartën e Parkut.

Jashtë Parkut mbeti “kjo pikëz e vogël”, siç e konsideroi Ministrja e Kulturës, Mirela Kumbaro, zonën ku do të ndërtohej grupi i vilave, gjatë një seance parlamentare në Korrik 2022.Plazhi i Manastirit, “pika e voçkël e Kumbaros”Ministrja e Kulturës, Kumbaro, e konsideroi “pikëz” zonën ku do të ndërtohet “Manastiri Resort”

Këto vendime në seri të qeverisë nxitën reagimin e fortë të opozitës. Dy prej deputetëve të saj, Agron Shehaj dhe Ina Zhupa, që ngritën zërin më shumë për këtë çështje, e konsideruan si “aferë 28 milionë euro” për të prishur Parkun e Butrintit dhe për t’ia dhënë klientëve qeveritarë e njerëzve pranë saj.

Këtu, deputetët e opozitës i referoheshin kompanisë “Albstar”, e cila rezulton se ka fituar miliona euro nga tendera publikë të qeverisë (rreth 50 mln euro vetëm në periudhën 2019-2023, sipas “spending.data.al”, shën.red) , si edhe kompanisë “Andi” shpk të Andi Gjiknurit.

Zvogëlimi i Parkut

Në 26 Janar të vitit 2022, Këshilli i Ministave miratoi vendimin për të zvogëluar me rreth 800 hektarë Parkun e Butrintit. Në këtë hapësirë të shkëputur nga Parku përfshihet edhe territori ku u vendos të ndërtohej investimi strategjik “Manastiri Resort”.Plazhi i Manastirit, “pika e voçkël e Kumbaros”Vendimi i Këshillit të Ministrave, 26 janar 2022, për zvogëlimin me 800 ha të Parkut të Butrintit

Për zbatimin e këtij projekti, u krijua shoqëria “Manastiri Resort”, i përbërë nga bashkimi i “Finman” shpk, një kompani në pronësi të Sadik e Idajet Ismailaj dhe “Andi” shpk, në pronësi të Andi Gjiknurit.

Shoqëria “Manastiri Resort” u krijua me një marrëveshje që mban datën 16 nëntor 2021, pra vetëm dy javë para se Komiteti i Investimeve Strategjike të miratonte statusin e “investitorit strategjik” për këtë projekt.Plazhi i Manastirit, “pika e voçkël e Kumbaros”Familja Ismailaj dhe Andi Gjiknuri regjistrojnë shoqërinë “Manastiri Resort” dy javë para miratimit të “investimit strategjik”

Rreth një vit pas këtij bashkimi, kompania e Gjiknurit vendosë të largohet nga investimi, duke i shitur aksionet e saj tek “Finman”. Vlera e këtij transaksioni nuk është publikuar në kontratat e depozituara pranë Qendrës Kombëtare të Biznesit (QKB).

Ndërtimet e resorteve turistike apo zhvillimet ndërtimore masive në zonat bregdetare ishin paralajmëruar nga 25 organizata mjedisore dhe 4 profesorë të shkencave të natyrës që kur u rishikua harta e zonave të mbrojtura për disa parqe në janar të vitit 2022.Plazhi i Manastirit, “pika e voçkël e Kumbaros”Parku i Butrintit, një nga zonat më të rëndësishme të trashëgimisë kulturore, arkeologjike, mjedisore dhe turistike të Shqipërisë

Përmes një reagimi të përbashkët organizatat më të mëdha mjedisore në vend dhe profesorët e shkencave të natyrës pohuan se “me rishikimin e kufijve të zonave të mbrojtura ‘fshihen’ zhvillime të paqëndrueshme, si urbanizim, aeroporte, sipërfaqe habitatesh të mbuluara nga parqe industriale”.

Sipas tyre, “Hapja e rrugës për këto projekte do të dëmtojë në mënyrë të pakthyeshme këto zona”.

E, megjithatë, përtej shqetësimit të ambjentalistëve, projekti për betonizimin e Plazhit të Manastirit po vazhdon pa ndalur.

/Bold news

MË TEPËR

Mix9 orë më herët

Rrahjet e ngadalta të zemrës/ Përse ndodhin dhe si të veproni

Rrahjet e zemrës funksionojnë si tik taku i orës, vazhdojnë pa pushuar asnjë sekondë gjatë gjithë jetës. Zemra, organi më...

Mix9 orë më herët

Ja sa duhet të jenë rrahjet e zemrës sipas moshës që keni

Ritmi i zemrës është numri i rrahjes së zemrës në minutë. Ju mund të matni atë ndërsa jeni në pushim...

Mix9 orë më herët

Sipas moshës dhe gjinisë, ky është numri normal i rrahjeve të zemrës në minutë

Shumë njerëz shpesh numërojnë rrahjet e tyre të zemrës, mirëpo në këtë epokë moderne, ka edhe aplikacione celulare që matin...

Kryesore17 orë më herët

Askush nuk e tha të vërtetën se përse janë shtuar sharlatanët në media

Koment nga Bilbil Beqiri U bë një debat i vakët në portalet shqiptare se përse janë shtuar sharlatanët në TV,...

Temporal17 orë më herët

Shpallja “armik i popullit” i gomarit që del në televizion dhe zbavit disa të ngjashëm të tij

Ardian NdrecaArdian Ndreca A mund të gjobitet apo të dënohet dikush që mendon dhe e shpreh publikisht se toka asht...

Kryesore2 ditë më herët

Opozita në protestë, gjithçka ndodhi në tubimin e parë pa Berishën në shesh

Pas disa kohësh që nuk organizonte një tubim dhe përplasje mes vetes, opozita e drejtuar nga Rithemelimi thirri qytetarët dhe...

Radar2 ditë më herët

Veliaj “kërcënon” Ramën

Kryebashkiaku Erion Veliaj Kryebashkiaku Erion Veliaj, në një dalje të tij në media ka përcjellë mesazh të koduar për kryeministrin...

Mix2 ditë më herët

Zbuloni disa fakte interesante për lepujt

Lepujt janë krijesa sociale dhe janë më të lumtur në shoqërinë e specieve të tyre. Kombinimi më i mirë është...

Mix2 ditë më herët

Kanceri mund të maskohet nga prostata e zmadhuar? Nëse keni probleme me prostatën bëni një kontroll tek doktori

Pak ditë më parë, bota u trondit kur Pallati Buckingham njoftoi se mbreti britanik Charles vuante nga kanceri. Trashëgimtari i...

Radar2 ditë më herët

“Non grata, plumb kundër opozitës”, Berisha akuzon diplomatët për përçarjen e PD: Ky uragan ishte llogaritur të mos ndodhte

“Ky uragan madhështor në qendër të Tiranës, ishte llogaritur të mos ndodhte. Shqipëria ishte llogaritur që sot të ishte një...

Facebook