Kryesore
Berisha bën deklaratën e fortë: Rama loboi që Macron të bënte deklaratën për vizat
Ish-kryeministri Sali Berisha
Ish-kryeministri Sali Berisha tha në “Open” se kryeministri i Shqipërisë Edi Rama ka lobuar tek presidenti francez Emmanuel Macron për të bërë deklaratën për vizat për Kosovën.
Sipas Berishës Edi Rama pasi u mbyll Samiti, hapi mashtrimin se ka kërkuar sanksione ndaj Serbisë.
“Edi Rama pasi u mbyll Samiti, hapi mashtrimin se ka kërkuar sanksione ndaj Serbisë. Padroni i tij i tha varteses së vet t’ia japin këtë dhuratë. Nuk ka kërkuar kurrë sanksione ndaj Serbisë, gënjeu vetëm për të mushtuar kosovarët. Vizita e parë në histori e një Presidenti francez, padiskutim e jashtëzakonshme, ishte nën ombrellën e Samitit. Edi Rama e njoftoi vizitë tre ose katër ditore, dhe ajo ishte disa orëshe. Edi Rama loboi në takim që Macron të thoshte deklaratën për vizat… a nuk ishte ky lajmi më i rëndësishëm i vizitës së tij?”, tha Berisha.
