Ylli i kinematografisë, ëndrra e shumë grave të një epoke tjetër, në fotot e fundit që po qarkullojnë në rrjet shfaqet ndryshe. Vitet kanë bërë të vetën dhe e kanë rrëzuar pamjen prej kolosi të një prej burrave më të bukur të të gjitha kohërave.

Alain Delon është me familjen, në një tryezë, më shumë kilogramë më pak, tashmë 88 vjeç. E vetmja gjë që nuk ka ndryshuar janë sytë shprehës.

Prej kohësh, aktori francez nuk ishte shfaqur në ndonjë foto apo event. Ndaj këto pamje ngjallin interes.

Komentet në rrjet kanë qenë të shumta dhe shumica prej tyre shkruajnë thuajse të njëjtën gjë: Koha paska bërë të vetën.