Lidhu me ne

Kryesore

Opozita në protestë, gjithçka ndodhi në tubimin e parë pa Berishën në shesh

Pas disa kohësh që nuk organizonte një tubim dhe përplasje mes vetes, opozita e drejtuar nga Rithemelimi thirri qytetarët dhe mbështetësit e saj në një protestë kombëtare në 33-vjetorin e rrëzimit të bustit të Enver Hoxhës.

Kjo ishte protesta e parë e madhe e opozitës që i mungonte Sali Berisha fizikisht në shesh dhe podium.

Tubimi nisi prej orës 17:30 përballë kryeministrisë ku qytetarë të shumtë mbushën Bulevardin “Dëshmorët e Kombit”.

Protesta ishte organizuar nëpërmjet fjalimeve të deputetëve të opozitës, ku mbajtën fjalën, Flamur Noka, Gazment Bardhi, Albana Vokshi, Ervin Salianji dhe Luçiano Boçi.

Partia e Lirisë nuk i mungoi protestës, por Ilir Meta vetë si drejtues i saj nuk u pa në protestë. Ai u mjaftua me një shpërndarje në rrjetet sociale të protestës. Partia e Lirisë u përfaqësua nga Erisa Xhixho e cila mbajti dhe një fjalim në protestë.

Berisha i mungoi fizikisht sheshit dhe podiumit por fjalimi i tij nuk mungoi. I ndodhur nën masën arrest shtëpie nga Gjykata e Posaçme për akuzat për korrupsion prej disa javësh, Berisha mbajti fjalën e tij nga shtëpia ku kishte improvizuar një podium dhe që shfaqej nëpërmejt ekranit gjigand në shesh.

Fjalët e tij jo pak herë ndezën pjesëmarrësit sa arritën edhe të krijonin për pak çaste edhe tension me policinë që rrethonte godinën qeveritare e drejtuar nga Edi Rama i cili akuzohej nga podiumi i Berishës për korrupsion dhe keqqeverisje.

Protestuesit hodhën molotov drejt kryeministrisë, ndezën flakadanë apo hodhën edhe shashka në drejtim të kryeministrisë dhe forcave policore.

kuzoi kryeministrin Rama, ish-ambasadoren amerikane Yuri Kim, ambasadorin britanik King-Smith, George Sorosin e ish-agjentin e FBI-së Charles McGonigal.

Ai tha se të gjithë ata u bënë bashkë për të asgjësuar opozitën e Shqipërisë po nuk ia dolën dot.

Berisha tha gjithashtu se sot nis beteja mbarë popullorë pa kthim përmes mosbindjes civile të rrëzimit të qeverisë Rama, të kthimit të votës e zgjedhjeve të lira.

“Edi Rama ka përqendruar të gjitha pushtetet në dorën e tij. Vjedh qytetarët shqiptarë. Gjatë sundimit 10-vjeçar të tij 1 milion shqiptarë u larguan nga vendi e integrimi në BE u larguan edhe më shumë si kurrë më parë. Bashkimi ynë në diversitet ishte llogaritur që të mos ndodhte dhe Shqipëria të ishte një vend pa opozitë, një narkoshtet pa opozitë. E nisën me një term non grata si dikur armiku i popullit. Asnjë provë, asnjë fakt, asnjë dokument. Sot nuk kanë gjetur asnjë provë, asnjëfakt dokument të provojë akuzën e tyre të rreme. 4 ditë më parë Gjykata e Uashingtonin dënonin me 3 vjet burg McGonigal, një lobist i shpalljes time non grata. Fill pas kësaj na grabitën vulën e partisë. Na mohuan komisionerët, financat, diplomatë e ambasadorë të korruptuar nga qeveria dhe së fundi lideri i opozitës u arrestua si person nën hetim vetëm se denoncova fuqishëm korrupsionin qeveritar e atë ndërkombëtar. Sot nisim betejën pa kthim të rrëzimit të narkoqeverisë, të  kthimit të votës së lirë.” – tha Berisha.

Protesta u mbyll rreth orës 08:00 të mbrëmjes dhe gjati rreth 150 minuta ku me largimin e deputetëve të PD-së u shpërndanë dhe qytetarët.

Gjatë fjalës së tij Berisha pati edhe deklarata fushate ku premtoi dyfishim pagash apo edhe luftimin e krimit dhe korrupsionit duke shënuar kështu edhe përgatitjen për fushatën zgjedhore një vit nga zgjedhjet parlamentare 2025.

Tubimi i sotëm ishte i qetë përveç incidenteve sporadike të hedhjes së molotivit apo shashkave dhe sendeve në drejtim të kryeministrisë në shenjë revolte ndaj qeverisë.

Në këtë protestë u vu re se nuk pati një xhiro nëpër institucionet e tjera siç është bërë më parë për disa protesta resht dhe as një marshim drejt shtëpisë së drejtuesit të Rithemelimit ku pasditeve mbështetës të tij qëndrojnë poshtë ballkonit dhe Berisha mban një fjalim nga ballkoni sipër tyre.

MË TEPËR

Mix3 ditë më herët

Sekreti i Victoria Beckham për të qëndruar në formë është uthulla e mollës: a funksionon vërtet?

Për të qëndruar në formë, Victoria Beckham pi uthull molle çdo mëngjes dhe shkenca konfirmon fuqitë e saj dobësuese. Pas...

Mix3 ditë më herët

Dieta me magnez: çfarë duhet të hani për mëngjes!

Dieta me magnez është një dietë që po bëhet e popullarizuar në mesin e atyre që duan të humbin peshë...

Kioske3 ditë më herët

Ky duhet të ikë!

Belind Këlliçi, një zyrtar i Rithemelimit ka akuzuar sor kryebashkiakun e Tiranës, Erjon Veliaj, se ka ngritur një skemë të ngjashme...

Kryesore3 ditë më herët

Neritan Sejamini analizon deklaratat e Metës: Janë skandaloze, përfiton vetëm qeveria

Ilir Meta dhe Neritan Sejamini Në emisonin “Të paekspozuarit” analisti Neritan Sejamini u shpreh se mënyra se si flet ish-presidenti...

Mix3 ditë më herët

Koha fluturon, vajza e Tom Cruise dhe Kate Holmes bëhet maxhorene

Suri Cruise po feston moshën madhore. Paparaci ka kapur një foto të saj teksa shëtit me një shoqe. Në njërën...

Mix3 ditë më herët

Olivia Munn flet për betejën me kancerin e gjirit

Olivia Munn është duke detajuar diagnozën e saj të kancerit në fazën 4, e cila e çoi në një mastektomi...

Radar3 ditë më herët

Kim Jong Meta bën susta për krahët, “shërbëtorët” e tij mbajnë shënime

Ilir Meta ka dhënë një intervistë për Çim Pekën. Para intervistës, ai ka publikuar një video nga zyra e vet....

Radar3 ditë më herët

Lulzim Basha: Rama e mund Berishën sa herë t’i dojë qejfi

Kryetari i PD, Lulzim Basha, i ftuar në News24, është shprehur se “problemi i Edi Ramës” është me të dhe...

Radar3 ditë më herët

Monika Kryemadhi konfirmon “ndarjen”: Kam raport të ngrirë bashkëshortor me Ilir Metën. Palë të treta kanë hyrë në jetën tonë

Në përfundim të intervistës për “Opinion” gjatë së cilës Monika Kryemadhi foli për ngjarjet brenda Partisë së Lirisë, sulmet e...

Radar4 ditë më herët

Rama i dhuron 16 mijë m2 tokë dhe ndërtim Arbër Hajdarit të “Fundjavë Ndryshe”

Kryeministri Edi Rama dhe ministrat e tij herë pas herë tallen me ligjin e krijuar vite më parë nga qeveria...

Facebook