Ryan Reynolds zbulon sekretin e martesës jetëgjatë me Blake Lively

FOTO: GETTY IMAGES

Le ta pranojmë që në ditët e sotme, një martesë mbi 10 vjet cilësohet e rrallë, sidomos në radhët e të famshmëve. Ryan Reynolds dhe Blake Lively janë shembulli për këtë, por kjo shpesh kuriozon njerëzit për të mësuar më shumë rreth sekretit të jetëgjatësisë në martesën e tyre.

Gjatë një interviste për People me Hugh Jackman, aktori e krahasoi martesën e tij me miqësitë e vërteta.

“Unë mendoj se “salca” sekrete e një miqësie afatgjatë në Hollywood nuk është shumë e ndryshme nga ajo e të pasurit të një partnereje apo martese,” u shpreh Reynolds. “Është e njëjta mënyrë si ndihem për Blake. Ndërsa unë jam duke e mbështetur atë për një film apo projekt të ri, e di që ajo njësoj po më mbështet mua dhe kjo është arsyeja pse ne jemi kaq të lidhur.”

Por, gjatë intervistës, Jackman e pyeti Reynolds për betejën me ankthin e tij, për të cilin aktori ka folur jo pak herë hapur dhe mënyrën si ndikon prindërimi në shëndetin mendor.  Reynolds dhe gruaja e tij Lively kanë katër fëmijë: James, Ines, Betty dhe fëmija i fundit emri i të cilit nuk është zbuluar ende.

Reynolds u përgjigj duke thënë se prindërimi e ka ndihmuar shëndetin mendor sepse “përqendrimi më pak te vetja dhe më shumë te fëmijët është shpëtim”.

“Më pëlqen që kam ankth dhe më pëlqen që kam pasur ankth. Sepse kur shoh fëmijët e mi duke përjetuar një pjesë të kësaj, që ndoshta është gjenetike, di si ta trajtoj atë në një mënyrë më të dhembshur”.

Një tjetër arsye pse lidhja e çiftit është kaq jetëgjatë dhe e suksesshme është falë rregullit numër një të martesës së tyre: Ata nuk angazhohen në filma dhe projekte në të njëjtën kohë.

“Kur unë dhe Ryan u lidhëm, ne vendosëm një rregull që të mos punonim në të njëjtën kohë, në mënyrë që të mund t’i jepnim gjithmonë përparësi jetës sonë personale,” tha Lively në emisionin “Substack Further Ado” para disa muajsh. “Kjo kërkon ekuilibër dhe përkushtim absolut nga të dyja palët.”

Burimi: Instyle