Të kesh një bel elegant nuk është vetëm çështje estetike, por mund t’ju ndihmojë të rroni më gjatë. Sipas disa studimeve, njerëzit që kanë peshë të tepërt në pjesën e belit kanë më tepër probabilitet të vuajnë nga sëmundjet e zemrës, diabieti e madje dhe kanceri. Ndaj për të humbur kilogramët e tepërt në këtë zonë, ndiqni këshillat e mëposhtme.

• Synoni pakësimin e karbohidrateve në vend të yndyrnave

Një studim i Johns Hopkins ka zbuluar se ndërmjet dietave me më pak karbohidrate dhe atyre me më pak yndyrna, por të dyja me të njëjtën sasi kalorish, dietat me më pak karbohidrate rezultuan më të suksesshme në rënien në peshë.

• Në vend të dietës, mendo për një plan ushqimor

Në përgjithësi, një mënyrë të ushqyeri me më pak karbohidrate, të bën të qendrosh larg ushqimeve të pashëndetshme, duke të të drejtuar tek ushqimet më të pasura me fibra dhe proteina.

• Shto aktivitetin fizik

Aktiviteti fizik është thelbësor për të djegur dhjamin në pjesën e barkut. 30-60 minuta në ditë janë të nevojshme në varësi të synimeve që keni.

• Ngri pesha

Qoftë dhe një sasi e moderuar stërvitjeje me pesha kontribuon në ndërtimin e masës muskulare që ndihmon në djegien e kalorive përgjatë gjithë ditës.

• Lexo etiketat

Krahasoni brandet e produkteve ushqimore për të parë dallimet. Për shembull disa kompani që tregtojnë kos, thonë se kanë më pak yndyrna, por nga ana tjetër kanë më shumë karbohidrate dhe sheqer.

• Qendro larg ushqimeve të procesuara

Ushqimet e procesuara janë të mbushura me yndyrna të dëmshme, sheqer, kripë dhe përbërës të tjerë që e vështirësojnë tej mase rënien në peshë.