Kanye West pretendon se ka autizëm dhe beson se eshte diagnostikuar gabimisht me çrregullim bipolar në vitin 2016. Ai tha po ashtu se e ka ndihmuar gruaja e tij, Bianca Censori, për të hedhur poshtë diagnozën e tij. Në një intervistë për The Download me Justin Laboy, West shpjegoi se Censori i kishte sugjeruar të ridiagnozohej pasi ajo mendonte se sjellja e tij nuk përputhej me diagnozën e çrregullimit bipolar. Ai tha: “Diçka në personalitetin tim nuk duket sikur është bipolare, unë kam parë bipolare më parë. Dhe është vërtet një rast autizmi që kam.”

Reperi e përshkroi autizmin si një gjendje që e ndihmon të kuptojë sjelljen e tij, duke bërë krahasimin me filmin Rain Man dhe duke theksuar sesi shpesh ndodhte që ai të bëjë veprime që shkaktojnë reagime të forta nga publiku. “Autizmi të çon në dicka si ajo e Rain Man,” tha ai. 

Përveç kësaj, Kanye zbuloi se ka ndaluar marrjen e ilaçeve për çrregullimin bipolar pasi e sheh këtë si një pengesë për kreativitetin e tij. “Nuk e kam marrë mjekimin që kur kuptova se nuk ishte bipolar, se nuk ishte diagnoza e duhur,” tha ai, duke shtuar se ajo që është më e rëndësishme është të mbështesë kreativitetin e tij.