Si të dallosh një narcist? Ja 5 taktika të padëgjuara që përdorin kur debatojnë

Narcistët janë mjeshtra të debatit, por jo për arsyet e duhura. Ata përdorin teknika të sofistikuara për të manipuluar dhe kontrolluar bisedat, duke shmangur përgjegjësinë dhe duke e kthyer gjithçka në një lojë të tyren. Për të kuptuar më mirë se si funksionojnë këto taktika, ja pesë prej tyre që shpesh kalojnë pa u vënë re:

1. Sulmi personal (Ad Hominem)

Në vend që të përgjigjet ndaj asaj që ti po thua, narcisti të sulmon si person: të kritikon karakterin, emocionet apo gabimet e së kaluarës. Shembull: “Je thjesht xheloz/e, prandaj po e bën kaq problem.”

Qëllimi? Të të bëjë të ndihesh keq dhe të shmangë bisedën e vërtetë.

2. O me mua, o kundër meje (False Dichotomy)

Narcisti e paraqet situatën sikur ka vetëm dy zgjedhje ekstreme: ose je me ta, ose je armik. Nuk ekziston diskutim, kompromis apo nuancë.

Qëllimi? Të të detyrojë të zgjedhësh “anën e tyre” dhe të të bëjë të ndihesh fajtor/e nëse nuk e bën.

3. Karikatura e tepruar (Straw Man Argument)

Ata shtrembërojnë fjalët e tua dhe e kthejnë atë që the në një version më dramatik e absurd. Shembull: “Ah, tani unë qenkam njeriu më i keq në botë?”

Qëllimi? Të duken si viktimë dhe të të largojnë nga çështja reale.

4. Të të shpërqendrojë nga tema (Red Herring)

Kur e ndjen që po e zë ngushtë në bisedë, narcisti ndërron temë fare. Të përmend diçka pa lidhje për të shmangur përgjegjësinë. Shembull: “Po ti, a e mban mend kur harrove ditëlindjen time?”

Qëllimi? Të të hutojë dhe të shmanget nga llogaridhënia.

5. Hipokrizia si mburojë (Appeal to Hypocrisy / Tu Quoque)

Kur e përball me një sjellje të gabuar, ai të thotë: “Po ti vetë s’e ke bërë njëherë këtë?”

Qëllimi? Jo për të zgjidhur problemin, por për të relativizuar fajin dhe për të shmangur çdo përgjegjësi.

Nëse i njeh këto taktika, është më e lehtë t’i identifikosh dhe të mos biesh pre e manipulimeve të tyre në debat.