Rreziqet që na vijnë nga pijet e gazuara

Pijet me gaz dëmtojnë shëndetin,sidomos nëse konsumohen rregullisht.

Sheqeri i pranishëm në këto pije, jo vetëm që shton peshën, por ka një sërë efektesh negative në shëndetin tonë.E njëjta gjë vlen edhe për ato pa sheqer, të njohura si pije “të lehta”.

Më poshtë gjeni disa nga dëmet që shkaktojnë:

– Grumbullojnë yndyrë rreth organeve jetësore si mëlçia, veshkat, stomaku dhe aparati tretës. Kjo bën që të shtohet rreziku për t’u prekur nga diabeti i tipit 2 dhe sëmundjet inflamantore;

– Përshpejtojnë plakjen. Studiuesit amerikanë kanë zbuluar se kush pi dy pije me gaz në ditë, plaket më shpejtë krahasuar me ata që nuk i përdorin. Këto pije përmbajnë acid fosforik, i cili garanton shijen e tyre, por që mund të shkaktojë probleme me veshkat, zbeh densitetin e kockave, shkakton humbje muskulore dhe osteoporozë;

– Shëndoshin. Pijet me gaz, sidomos nëse konsumohen në drekë, çojnë në një shtim të ndjeshëm peshe, qoftë edhe ato “të lehta”. Kjo për shkak të pranisë së lartë të sheqerit;

– Gurë në veshka. Pirja e një ose më shumë pijeve me gaz në ditë rrit me 23 % mundësinë e formimit të gurëve në veshka. Kjo është provuar nga një studim italian i nefrologut Pietro Manuel Ferraro i Universitetit Katolik të Kryqit të Shenjtë në Romë;

– Ngjyruesit në pijet me gaz mund të jenë kancerogjenë;

– Shkatërrojnë dhëmbët. Acidi fosforik përveçse është i dëmshëm për kockat, dëmton edhe dhëmbët, madje mund të çojë deri në rënien e dhëmbëve;

– Stimulojnë gastritin. Konsumi i pijeve me gaz, sidomos i atyre që përmbajnë kafeinë, e përkeqësojnë më keq këtë problem, për shkak të prodhimit të acidit gastrik.