Kryesore
‘Rudina nuk e ka të gjatë në politikë’, Hajdari ‘nuk kursehet’ ndaj Mustafa Nanos: Ta them ty dhe atyre që duan të dëgjojnë…
Deputetja Rudina Hajdari i është përgjigjur analistit dhe moderatorit Mustafa Nano, i cili deklaroi mbrëmjen e djeshme se ‘ajo nuk e ka të gjatë mbijetesën dhe jetesën në politikën shqiptare’.
Nano iu referua një deklarate të dhënë nga Hajdari pak kohë më parë, ku shprehej se nëna e saj do t’i nënshtrohet procesit të vettingut si çdo gjyqtare tjetër dhe ajo nuk futet fare në këtë mes.
Analisti thoshte më tej se nëse bien dakord që Hajdari është naive, pikërisht për këtë fakt ajo nuk do e ketë të gjatë mbijetesën në politikë.
Ndërsa Hajdari përmes një statusi në ‘Facebook’, është shprehur se nuk ka hyrë në politikë për të ndryshuar shtëpinë, por Shqipërinë.
‘I dashur Mustafa, unë nuk kam hyrë në politikë për të ndryshuar shtëpinë, siç kanë bërë ata përpara meje. Unë dua të ndryshoj Shqipërinë. Ta them ty dhe atyre që duan të dëgjojnë’, shkruan Hajdari.
