“Kushdo që të jetë në listë, me Edi Ramën në pushtet gjërat do të jenë po njësoj”. / Belind Këlliçi

Kandidati për deputet në Tiranë, Belind Këlliçi  thekson se kushdo që të jetë në listën e kandidatëve të Edi Ramës nuk do të sjellë asnjë ndryshim nëse pas 25 prillit do të jenë në pushtet.

Këlliçi gjatë një takimi me banorët e Sharrës në Tiranë u bën thirrje që të votojnë masivisht më 25 prill në mënyrë që të vendosin për fatin e vendi. Ndër të tjera, ai theksoi se qytetarët duhet të bashkohen për të rimbëkëmbur ekonominë dhe të japin shpresë për të rinjtë.

“Rama kryeministër bën premtime të mëdha por nuk përmbush asnjë. Nuk ka fare rëndësi se cilët janë emrat në listën e tij. Kushdo që të jetë në listë, me Edi Ramën në pushtet gjërat do të jenë po njësoj. Pa largimin e tij nuk do të ketë ndryshim.
Në rrugët dhe sheshet tona vëngon zëri i shqiptarëve që kërkojnë ndryshim. Nga Sharra e Tiranës u drejtoj një thirrje bashkëqytetasve të mi, të votojnë masivisht më 25 prill

Të vendosni ju dhe askush tjetër për fatin e vendit. Ne duhet të bashkohemi për fitoren e Shqipërisë!
Të lartësojmë emrin e saj, të rimëkëmbim ekonominë kombëtare dhe të japim shpresë për të rinjtë.
Ky është misioni!”- u shpreh Këlliçi.