Radar
Emine Erdoğan për vete me çantë 50 mijë dollarëshe, por jep këshilla për të mos çuar ushqimet dëm
Në fjalën e saj, Erdoğan këshilloi përgatitjen e një liste ushqimesh para pazarit dhe ngrënien e frutave dhe perimeve që janë të sezonit për të parandaluar çuarjen dëm të ushqimit.
Emine dhe Recep Tajip Erdoğan2 Korrik, 2021 9:34
ANKARA– Zonja e parë e Turqisë, Emine Erdoğan ka rënë sërish pre e ironisë në rrjet, në përvjetorin e parë të nismës së saj: Ruaje ushqimin, mbro tavolinën tënde. E gjitha ka të bëjë me blerjen e porcioneve më të vogla të ushqimit për të mos çuar asgjë dëm.
Në fjalën e saj, Erdoğan këshilloi përgatitjen e një liste ushqimesh para pazarit dhe ngrënien e frutave dhe perimeve që janë të sezonit për të parandaluar çuarjen dëm të ushqimit.
“Në një pjesë të botës, fëmijët kanë nevojë për një copë bukë dhe një gotë ujë të pastër. Në një vend tjetër, mijëra ushqime shkojnë dëm sepse njerëzit marrin vetëm një copë dhe lënë pjesën tjetër të vaktit të tyre, “-tha ajo.
Duke iu referuar këshillave të zonjës së parë për zvogëlimin e pjesëve, një përdorues i mediave sociale tha: “Po sikur së pari, t’i thoni burrit tuaj që të zvogëlojë [numrin e automjeteve në] autokolonën e tij?” Kjo pasi presidenti ka një eskortë me më shumë se 10 automjete që e shoqërojnë, duke tërhequr gjithmonë kritika për ekstravagancë.
“Emine Erdoğan, e cila mban një çantë Hermès prej 50,000 dollarësh… dhe ka stilistë privatë, jep këshilla [për kursimin]. Ju nuk ndjeni turp, apo jo?,”-tha një tjetër përdorues në Twitter.
Marrë nga turkishminute.com
