Billie Eilish ka folur në lidhje me përpjekjen për të kontrolluar komentet përreth saj duke veshur rroba të gjera, dhe së fundmi ka thënë se “nuk funksionoi me të vërtetë”.

Ylli i popit është e njohur për veshjet e gjera në skenë dhe në paraqitjet publike dhe në një fushatë për Calvin Klein në 2019-ën, zbuloi se e bëri këtë për të ndaluar njerëzit të komentonin trupin e saj.

Në një intervistë të re për Vogue Australia, Eilish tha se taktika nuk kishte funksionuar. “Është një punë e madhe të përpiqesh të kontrollosh imazhin, sepse njerëzit do të thonë gjithçka që mendojnë”, tha ajo. “Por ka qenë kaq e rëndësishme që të kem imazhin që dua dhe të përpiqem të dukem ashtu si dua të më shohin.”

Ajo shtoi: “Sigurisht, nuk funksionoi vërtet. Është shumë e vështirë të kontrollosh komentet në një pozicion si imi, apo jo? Nuk mund ta kontrollosh dot aq shumë, por mund ta provosh”.

Ylli së fundmi foli për daljen e saj në revistën britanike Vogue, në të cilën ajo hodhi poshtë rrobat e gjera për të pozuar me bikini. “Unë pashë një fotografi timen në kopertinën e Vogue [nga] nja dy vjet më parë me rroba të mëdha, [pranë kopertinës së re të Vogue]. Atëherë mbishkrimi ishte, ‘Kjo quhet rritje’ ”, tha ajo.

Billie Eilish, gjithashtu ka treguar se ndjehet shumë keq për disa veprime të së shkuarës. Ajo ka treguar se çfarë do të thotë të rritesh para syrit të publikut dhe në moshën e internetit.

“Është shumë e çuditshme se si bota mund të shikojë çdo aspekt të jetës tënde dhe të ta rikujtojë atë. Interneti risjell gjëra të së shkuarës të çdo njeriu dhe mendoj ‘A nuk mendoni ju njerëz se të gjithëve ju vjen tmerrësisht shumë turp për të shkuarën? A nuk mendoni se siç ju vjen juve turp për të shkuarën, mund t’ju vijë edhe të tjerëve?’”, është shprehur Billie.