Nga 1 janari i vitit 2023, në Ballkan nuk do të ketë më kufij. Ky ishte zotimi i presidentit serb, Aleksandër Vuçiç, sot në punimet e Forumit Ekonomik Rajonal në Shkup. Në panelin “Ballkani i Hapur- Open Balkan”, marrin pjesë kryeministri shqiptar, Edi Rama, kryeministri i Maqedonisë së Veriut, Zoran Zaev dhe presidenti serb, Aleksandër Vuçiç. Të 3 liderët janët të mbështetur nga rrjeti i manjatit ndërkombëtar Open Society Fondations, Aka Soros.

Në panel, kanë marrë fjalën me radhë liderët, ku i pari ishte mikpritësi Zoran Zaev. Zaev tha se qëllimi është që mes tri vendeve të mos ketë më pengesa. ”Kjo nismë ka lindur nga vlerat evropiane. Sepse ajo përfshin katër liritë themelore mbi të cilat funksionon BE-ja. Lirinë e lëvizjes së njerëzve, të mirave, kapitalit dhe shërbimeve. Qëllimi përfundimtar është të arrijmë “no stop-just go”, të mos ketë ndalesa në kufijtë mes Serbisë, Maqedonisë së Veriut, Shqipërisë, dhe të shpresojmë edhe për vendet tjera”, tha Zaev.

Pas tij, fjalën e mori presidenti serb, Aleksandër Vuçiç. Teksa nuk i kurseu batutat për mikun e tij, Edi Rama, Vuçiç tha se nga 1 janari nuk do të ketë më pengesa, ndërsa caktoi datat e ardhshme të takimit. “Më 15 tetor do të takohemi në Beograd dhe pastaj do të kemi një tjetër takim në Shqipëri”, ka thënë Vuçiç.

Ndërsa, kryeministri Edi Rama foli për historinë, ekonominë dhe politikën. Kryeministri shqiptar deklaroi se Ballkanit Perëndimor për të garantuar 4 liritë themelore, ose shtyllat e BE, nuk i duhet integrimi në union, pasi fillimisht mund ti realizojë mes vendeve në rajon.

Rama tha se rajoni duhet të shohë nga e ardhmja dhe të mos kënaqet nga vuajtja e tjetrit. Një përgjigje e pati edhe për kryeministrin e Kosovës, Albin Kurti, i cili e quan minishengenin rajonal si nismë të Jugosllavisë. “Kush thotë që kjo është nismë e bërë në bodrumet e ish-Jugosllavisë për të ringritjen e Jugosllavisë, jeton në një botë paralele, për politikë në lëkurën e njerëzve dhe jo për rritjen e mirëqenies dhe forcimin e urave mes njerëzve”,tha Rama. Por nuk ka munguar as përgjigjia nga Prishtina. Në një prononcim për “Radio Europa e Lirë”, qeveria e Kosovës pretendon se nuk ka marrë nj ftesë zyrtare për të marrë pjesë në takim, megjithatë nuk heq dorë nga fakti se sipas tyre kjo nismë i ka “rrënjët” në Novisad të Serbisë dhe nuk ka vizion për të ardhmen.

Punimet e samitit kanë nisur sot dhe u finalizuan me nënshkrimin e dy memorandumeve dhe një marrëveshje ndërshtetërore që kanë për qëllim lehtësimin e lëvizjes së njerëzve dhe thjeshtimin e formaliteteve lidhur me importin, eksportin dhe lëvizjen mallrave, bashkëpunimin mes doganave dhe autoriteteve të tjera kompetente. Edhe në këtë Forum, Mali i Zi, Bosnje-Hercegovina dhe Kosova nuk kanë marrë pjesë.