Mjeku imunolog Ilir Alimehmeti u shpreh se situata aktuale pandemike në Shqipëri është frenuar disi, teksa shpreson që edhe rastet e reja të bien.

“Aktualisht ka një frenim të rasteve të reja. Shpresojmë që rastet e reja të bien. Por shohim që rastet e rënda janë tek njerëzit e pa imunizuar,” theksoi Alimehmeti.

I pyetur nëse pacientët duhet t’i drjetohen spitaleve, Alimehmeti tha se ësht ëprimar ndjekja e rastit në spital, teksa theksoi se pjesa dërrmuese e të shtruarve aktualisht janë të pa imunizuar.

“Ndjekja spitalore është primare. Shifrat nuk i kemi aq të larta fatmirësisht, siç kemi qenë në janar-shkurt. Në këto momente që flasim kemi të shtruar 160. Shohim që shumica dërrmuese janë persona të pa imunizuar. Po t’i pyesësh sot që a do të vaksinoheshin nëse e do e dinin këtë situatë, ato do të thoshin po patjetër,” tha imunologu.

Alimehmeti u shpreh se afro 70% e popullsisë është imunizuar ndaj Covid-19, ndërsa 38% e saj thuhet se e ka kaluar Covid-19 në mënyrë natyrale. Numrit të të infektuarve dhe atyre që kanë fituar imunitete, Alimehmeti theksoi se i shtohen edhe të vaksinuarit.

“Termi imunizim është shkencor, nuk është diskutim social, por mjekësor. Kjo do të thotë se vaksinuar plus kaluar në mënyrë natyrore. Studimi i Akademisë së Shkencave, doli 73.3% imuniteti, patjetër që kjo është në rritje. Por në nivel shteti, kjo shifër është më poshtë. Por ndërkohë janë shtuar vaksinimet. Do të thoja fare mirë që në Shqipëri si mesatare, 38% e popullatës e kanë kaluar në mënyrë natyrore dhe plus kemi të vaksinuar. Ne qëndrojmë diku te 70% e imunizimit, që është shifër e lartë, por jo e mjaftueshme. Pa i dhënë notë situatës së menaxhimit, por them se nga ky moment nuk duhet të ketë diskutime mbylljeje, nëse qëndrojmë në këto ritme që jemi,” tha Alimehmeti.