Mix
Kujdes kur shikoni video pornografike në internet! Ja çfarë u shkaktojnë meshkujve
![meshkuj_video pornografike](https://shendeti.com.al/wp-content/uploads/2016/08/meshkuj_video-pornografike.jpg)
Po rritet gjithmonë e më shumë numri i të rinjve që kërkojnë trajtim për impotencë seksuale, për shkak të varësisë së tyre ndaj videove pornografike në internet, paralajmërojnë ekspertët.
Ekspozimi ndaj imazheve grafike dhe filmave pornografike po i bën meshkujt të pafuqishëm në dhomën e gjumit. Një rol të rëndësishëm këtu luajnë edhe telefonat inteligjentë dhe tabletët, me anë të cilave shikojnë videot pornografike.
Terapistja psikoseksuale Angela Gregory tregon për BBC se është rritur shumë këto kohët e fundit numri i të rinjve që kërkojnë ndihmë për këtë problem në klinikën e saj në Spitalin Universitar të Nottingham-it.
“Gjatë 16 viteve të fundit, sidomos këto 5 vitet e fundit, kam vënë re një rritje të numrit të meshkujve që janë drejtuar për tek klinika jonë. Nga përvoja kam parë që, historikisht meshkujt të cilët i janë drejtuar më shumë klinikës tonë janë të moshuarit, të cilët kanë probleme me disfunksionin erektil (impotencën seksuale) dhe me probleme të tjera, si diabet, sëmundje kardiovaskuale etj” tregon ajo.
“Ndërsa të rinjtë që i janë drejtuar klinikës tonë nuk kanë ndonjë sëmundje, ata janë kontrolluar nga mjeku dhe gjithçka ka rezultuar shumë mirë”.
“Prandaj, pyetjet e para që bëj gjithmonë janë në lidhje me videot pornografike dhe masturbimin, pasi këto mund të jenë shkaktari i problemit të tyre në arritjen e një ereksioni kur janë me partneren”.
Ky problem është shfaqur në dokumentarin e realizuar nga BBC, i titulluar ‘Brought up on Porn’.
Hulumtuesit shkencor kanë kontaktuar një djalë ri, i quajtur Nick, i cili ka filluar të shohë video porno në laptop që në moshën 15 vjeç.
Edhe pse dëshironte të kryente marrëdhënie me një partnere reale, ai nuk kishte pasur mundësi, duke qenë se ishte i lidhur pas videove pornografike.
Nick kërkoi ndihmën e një mjeku dhe u shërua pasi nuk shikoi video porno për 100 ditë. Ai tregon se shikonte video pornografike më shumë se 2 orë në ditë. Edhe pse i pëlqente një vajzë nuk kishte dëshirë seksuale për të. Sipas një studimi nga revista shkencore “Behavioural”, videot pornografike online krijojnë varësi po aq sa droga, dhe largojnë epshin seksual në realitet.
Burimi: Daily Mail