Një studim i ri i kryer nga Universiteti i Harvardit ka treguar se fëmijët e grave që nuk kanë marrë sa duhet vitaminë D gjatë shtatzënisë, janë më të rrezikuar të preken nga skleroza e shumëfishtë kur të rriten. Ky studim konfirmoi se nivelet e ulëta të vitaminës D gjatë shtatzënisë bëjnë që fëmijët të jenë 90% të rrezikuar të preken nga skleroza e shumëfishtë.

Në studimin e publikuar tek revista JAMA Neurology u përfshinë 193 individë, ku 163 prej tyre ishin femra të diagnostifikuar me sklerozë të shumëfishtë.

Ekipi më pas krahasoi mostrat e gjakut dhe doli në përfundimin se fëmijët e grave që kishin pasur mungesë të vitaminës D gjatë shtatzënisë ishin 90% më të rrezikuar të diagnostifikohen me sklerozë të shumëfishtë, në krahasim me fëmijët e tjerë, nënat e të cilëve nuk kanë pasur nivele kaq të ulëta të vitaminës D.

Shkencëtarët i rekomandojnë femrat që t’i kushtojnë më shumë rëndësi nivelit të vitaminës D gjatë shtatzënisë.

Burimi: Global News