Hepatiti C është një inflamacion i mëlçisë e shkaktuar nga virusi i hepatitit C (HCV).

Simptomat e saj mund të ndryshojnë, varësisht nëse sëmundja është akute ose kronike dhe mund të çojë në komplikacione serioze.

Hepatiti C mund të transmetohet nëse gjaku i një personi të infektuar kalon në trupin tuaj, siç është ndarja e gjilpërave gjatë përdorimit intravenoz të drogës, lindja e një nëne të infektuar me hepatiti C etj.

Më pak i zakonshëm është infektimi i një personi përmes kontaktit seksual me dikë që është i infektuar.
Nuk ka gjasa që ju të mund të merrni hepatitin C nga një transfuzion gjaku, pasi bankat e gjakut testojnë të gjitha mostrat e dhuruara të gjakut për hepatitin C.

Në disa raste, hepatiti C shkakton vetëm një sëmundje të butë për më pak se gjashtë muaj para se virusi të kalojë nga trupi. Në raste të tjera, kjo është një sëmundje serioze dhe afatgjatë që dëmton mëlçinë.

Shumica e njerëzve me hepatit C kronike janë pa simptoma derisa mëlçia të dëmtohet rëndë.

Hepatiti akut C: Cilat janë shenjat dhe simptomat?

Për hepatitin akut C, periudha e inkubacionit (koha midis infeksionit dhe shfaqjes së simptomave) është dy javë deri në gjashtë muaj pas ekspozimit, me një kohëzgjatje mesatare prej gjashtë deri në shtatë javë, sipas Qendrave për Kontrollin dhe Parandalimin e Sëmundjeve (CDC).

Deri në 80 për qind të njerëzve që mund të kenë hepatitin akut C nuk tregojnë simptoma, thotë CDC. 20 për qind e të tjerëve të infektuar me hepatit C akut kanë simptomat e mëposhtme:

• Të përzier;

• Të vjella;

• Dhimbje barku;

• Feçe me ngjyrë të bardhë;

• Ulja e oreksit;

• Humbje në peshë;

• Ethe;

• Lodhje;

• Urinë e errët;

• Lëkura dhe sytë bëhen të verdhë.

Për shkaqe që nuk kuptohen mirë, rreth 15 deri 25 për qind e njerëzve të ekspozuar ndaj HCV zhvillojnë vetëm një infeksion akut, i cili largohet nga trupi brenda gjashtë muajve. Pjesa e mbetur prej 75 deri 85 për qind zhvillon hepatitin kronik C.

Hepatiti kronik C: Cilat janë shenjat dhe simptomat?

Shumica e njerëzve me hepatitin kronik C janë pa simptoma derisa mëlçia të dëmtohet rëndë. Në të vërtetë, është e zakonshme që njerëzit të mbajnë HCV pa e ditur derisa të kalojnë nëpër një analizë gjaku ose ekzaminime të tjera për arsye jo të lidhura me hepatitin C.

Megjithatë, hepatiti kronik C është një çështje serioze që mund të rezultojë në probleme afatgjata shëndetësore, duke përfshirë dëmtimin e mëlçisë dhe kancerin e mëlçisë.

Sipas CDC, rreth 10 deri në 20 për qind e njerëzve zhvillojnë cirrozë (mosfunksionimini normal i mëlçisë).
Njerëzit me cirrozë kanë një rrezik prej 1 deri në 5 për qind të zhvillimit të kancerit të mëlçisë.

Alkooli mund të përshpejtojë zhvillimin e dëmtimit të mëlçisë. Simptomat e hepatitit kronik C ndryshojnë në varësi të llojit të dëmtimit të mëlçisë.

Cirroza mund të prodhojë një sërë simptomash:

• Kruarje;

• Lodhje;

• Fryrje barkut nga një rritje e lëngjeve;

• Ënjtje në këmbë.

Hepatiti C dhe rreziku për kancerin e mëlçisë

Kanceri i mëlçisë, i cili në përgjithësi zhvillohet pasi një person tashmë ka cirrozë, mund të rezultojë me verdhëz dhe gjakderdhje, dhimbje barku ose ndjeshmëri.

Karcinoma qelizore (HCC) është lloji më i zakonshëm i kancerit të mëlçisë dhe raportet vlerësojnë se rreth 1 deri 8 për qind e njerëzve me cirrozë të lidhur me HCV zhvillojnë çdo vit HCC.

Kanceri i mëlçisë mund të zhvillohet pa cirrozë, ndonëse është më pak i zakonshëm. Simptomat e kancerit të mëlçisë janë të ngjashme me ato të cirrozës, por gjithashtu përfshijnë dhimbjen në barkun ose vetëm anën e djathtë të shpatullave.